წუხელ, ტელეკომპანია იმედზე ნოე სულაბერიძის ახალ საავტორო გადაცემაში „ნოესთან“ პირველ სტუმრად, რუსთავი 2-დან წასული ჟურნალისტი მაია ასათიანი იჯდა. ერთსაათიანი გადაცემის მთავარი სტუმარი გახლდათ.

ცნობილია, რომ ნოე სულაბერიძის პრაიმ-შოუ სტუდია ტელეკომპანია იმედზე რამდენიმე პოპულარულ გადაცემას ამზადებს, მათ შორის შოუ-ბიზნესის და სოციალურ თემებზე. აქამდე გაჩნდა მოლოდინი, და მედიაში აქტიურად ვრცელდებოდა ინფორმაციები იმის თაობაზე, რომ მაია ასათიანი და პროფილის გუნდი ტელეკომპანია პირველზე გადადიოდა. ახლა კი მისი იმედზე გამოჩენის შემდეგ სხვა მოლოდინი გაჩნდა. ვინაიდან გადაცემის დახურვის შემდეგ პირველი სტუმრობის ექსკლუზივი ასათიანმა არა მის ახალ არხს, არამედ სწორედ ტელე იმედს მისცა. ამდენად, გაჩნდა სრულიად ლეგიტიმური მოლოდინი, რომ შესაძლოა მაია ასათიანი სწორედ იმედის ეთერში გამოჩნდეს და მისი გადაცემა სწორედ სულაბერიძის სტუდიის დახმარებით „იმედზე“ მომზადდეს. ამის შესახებ სოცუიალურ ქსელსა და სატელევიზიო კულუარებში საუბარი აქტიურად მიმდინარეობს. ეს განცდა აქვთ რიგით მაყურებლებსაც.

შეგახსენებთ, მაია ასათიანი „იმედის“ ყველაზე პოპულარულ საკვირაო ტელეჟურნალ „დროებაში“ მუშაობდა. ამიტომაც, მაიამ თქვა, რომ სხვანაირი და ემოციური განცდაა, როცა იმედში 12 წლიანი პაუზის შემდეგ შედგა ფეხი. მისი თქმით, თან სახლშია და თან სხვაგან. თან საკუტარ მოედანზეა და თან სტუმრად.

.

ცნობილმა ტელეწამყვანმა მაია ასათიანმა „რუსთავი 2“ დატოვა და მიანიშნა, რომ არხზე თავისუფლების ხარისხს ვეღარ ხედავს, მის ამ პოზიციას ტელეკომპანია არ იზიარებს. საგანგებო განცხადება გაავრცელა არხის გენერალურმა დირექტორმა პაატა სალიამ, მისი მტკიცებით, მაია ასათიანმა რუსთავი 2 მხოლოდ შორენა ბეგაშვილის გამო დატოვა. სალიას მტკიცებით ახალი სეზონიდან პროფილის გუნდის მიერ მომზადებული გადაცემა შორენას ეფექტი საეთერო ბადეში აღარ მოხვდა, რაც მიუღებელი აღმოჩნდა პროფილის გუნდის წევრებისთვის და მათ არხის დატოვების გადაწყვეტილება სწორედ ამიტომ მიიღეს.

შორენა ბეგაშვილის საავტორო გადაცემა „შორენას ეფექტი“ ეთერში რამდენიმე თვეა გადის, თუმცა, როგორც არხის მენეჯმენტი განმარტავს, მათი მოლოდინი ამ პროექტთან დაკავშირებით უფრო მეტი იყო და მან ვერ გაამართლა იმედი, რის გამოც გადაცემის დახურვის გადაწყვეტილება მიიღეს, თუმცა პროფილის დახურვას არავინ გეგმავდა და მაიამ ეს თავად ისურვა.

.

მაია ასათიანი, “პროფილის” ბოლო გადაცემისას მონოლოგში აღნიშნავდა:

.

“მე აქ მასწავლეს, როგორ გავხდე ტყვიაგაუმტარი და მე გავხდი ჟურნალისტი. დღემდე ის 20 წლის წინანდელი გოგო ვარ, რომელიც სიბნელიდან ანთებულ რუსთავი2-ში მივიდა.

როცა ეს ტელევიზია ინგრეოდა, ჩემ თავს პირობა მივეცი, რომ ვიქნებოდი ბოლო, ვინც იმ ფასეულობისთვის იბრძოლებდა, რასაც რუსთავი2 ჰქვია და თუ ეს ბრძოლა შეუძლებელი გახდებოდა, მხოლოდ მაშინ, ბოლო გავიდოდი ამ შენობიდან. რუსთავი 2 კედლები არ არის, ეს არის ფასეულობები.

პირობა შევასრულე, ბოლო გავდივარ ამ შენობიდან და ამ არხზე 20 წლიან ისტორიას ვასრულებ. ბოლო გავდივარ, რადგან აქ იმ სინათლეს, მთელი საქართველოს იმედი რომ იყო, ვეღარ ვხედავ. დღეს ბოლო პროფილია. იძულებული ვარ წავიდა, საბრძოლველი აღარაფერია.

ყველა აქ არის, ყველა ვისთან ერთადაც ეთერში ის სასწაული ხდებოდა. მიყვარხართ ყველა. მადლობა, რომ ჩემთვის ასეთ რთულ დღეს ჩემთან ერთად ხართ. პროფილი ამ არხზე დღემდე ყველაზე რეიტინგულია. ის იყო პირველი არაპოლიტიკური თოქ-შოუ საქართველოში. მეამაყება რომ პირველები ვართ და ამ გზას გავაგრძელებთ. ეს დასასრული არ არის.”