მეცნიერული თვალსაზრისით, ქალის სილამაზის იდეალად - კელი ბრუკი ითვლება. 41 წლის სექსუალური და მომხიბვლელი ბრიტანელი ქალბატონი არა მხოლოდ ცნობილი ფოტომოდელი და წარმატებული მსახიობია, არამედ ის პლანეტის ყველაზე სრულყოფილი სხეულის მქონე ტიტულის მფლობელიც გახლავთ.

ასეთი დასკვნა ტეხასის უნივერსიტეტის მეცნიერებმა ჩატარებული კვლევის შედეგად გააკეთეს, რომლის მიზანიც "სრულყოფილი სხეულის" პოვნა და დროის შესაბამისი ქალის სილამაზის ახალი სტანდარტების დადგენა იყო.

იმისთვის რომ გაერკვიათ ქალის გარეგნობაში მამაკაცები თუ როგორ დუნდულებს, მკერდს, ფეხის სიგრძესა და წელის გარშემოწერილობას ანიჭებენ უპირატესობას, ათასობით ძლიერი სქესის წარმომადენელი გამოკითხეს რათა მიღებული მონაცემების მიხედვით უკვე იდეალური ქალის სხეული შეედგინათ, და რას ფიქრობთ?

იდეალური თანამედროვე ქალი სწორედ - კელი ბრუკი აღმოჩნდა, რომლის სიმაღლეც - 168 სმ, ხოლო ფორმები 99-63-91 -ია, და რა თქმა უნდა მას არც ერთი პლასტიკური ოპერაცია არ აქვს გაკეთებული. მეცნიერების აზრით, ქალის იდეალურ სხეულად სწორედ ასეთი პარამეტრების თანაფარდობა ითვლება.

როგორც ცნობილია, მოდელი საკუთარი კოლეგებისგან განსხვავებით ჯანსაღი ცხოვრების წესის აქტიური მიმდევარი არ არის, თუმცა მიუხედავად ყველაფრისა სექსუალური ფორმების მქონე სუპერვარსკვლავი მაინც შესანიშნავ ფიზიკურ ფორმაშია.