მოვლენები მოდელი მეგობრები, რომლებიც სილამაზის სტერეოტიპებს ანგრევენ 2021, 25 მარტი, 15:02 "გამხდარი ლამაზია, ფუმფულა კი - არა" - გავრცელებულ სტერეოტიპს, ეს ლამაზმანები ყოველდღიურად, საკუთრ მაგალითზე ანგრევენ. ყველაფერი კი იმით დაიწყო, რომ მეგობარმა გოგონებმა ერთობლივი ფოტო გამოაქვეყნეს, რომელსაც უამრავი ნეგატიური შეფასება მოჰყვა, რომელშიც სოციალური ქსელის მომხმარებლები გაოცებას ვერ მალავდნენ იმასთან დაკავშირებით თუ რა საერთო შეიძლება რომ ჰქონოდა ასეთ ლამაზ, მოხდენილი სხეულის გოგონას ჭარბწონიანთან: "მივხვდით, რომ ადამინები არ არიან მიჩვეული 8 და 16 ზომების ერთმანეთის გვერდით ხილვას, რამაც შოკში ჩაგვაგდო. ჩვენ ჯანმრთელები, თავდაჯერებულები და ბუნებრივი ვართ, და რაა პრობლემა?"- განაცხადა ჯორჯია გიბსმა.ბუნებრივია, გოგონებისთვის საზოგადოების მხრიდან ასეთი უარყოფითი დამოკიდებულება სრულიად შოკისმომგვრელი აღმოჩნდა, ვინაიდან თითოეული მათგანი მართლაც თავისებურად ლამაზია, რომელსაც საკუთარი თავი ისეთი მოსწონს როგორიც არის.შექმნილმა სიტუაციამ ისინი აიძულა ახალი პროექტი -"Any BODY" წამოეწყოთ, რომელშიც გოგონები სწორ "ბოდიპოზიტივს" ქადაგებენ და ყველა ადამიანს, განსხვავებული პარამეტრების მიუხედავად საკუთარი სხეულის სიყვარულისკენ მოუწოდებენ.ამისათვის მათ "ინსტაგრამის" საერთო გვერდიც კი შექმნეს, სადაც საკუთარ გამომწერებს ერთნაირ ან მსგავსს სამოსში გადაღებულ ერთობლივ სურათებს სისტემატურად უზიარებენ და საკუთარ მაგალითზე აჩვენებენ რომ ნებისმიერი ადამიანი, განურჩევლად ფერისა თუ რასისა, წონისა თუ ზომისა ყველა თავისებურად ლამაზი და მომხიბვლელია.გოგონები ცნობილი ჟურნალის - "Women’s Health & Fitness"-ის გარეკანზეც კი მოხვდნენ.მოდელები თავიანთ თაყვანისმცემლებს ყოველთვის მოუწოდებენ საკუთარი ზომისა თუ წონის არ შერცხვეთ და თავი სხვას არასდროს შეადარონ, რადგან თითოეული ადამიანი თავისი ბუნებითა და გარეგნობით ინდივიდუალური, უნიკალური და შეუცვლელია.მათი ფოტოების თვალიერებისას, ყოველივე ზემოთქმულს ძნელია შეეწინააღმდეგო, რადგანაც მსგავსი ღიმილი შესაძლოა მხოლოდ ჭეშმარიტად ბედნიერ ადამიანებს ჰქონდეთ.გოგონების თქმით, ყველაზე ცუდი საკუთარი თავის სხვასთან შედარებაა, თუ თქვენ რაიმეს შეცვლა გსურთ - იმოქმედეთ, თუმცა ნურც საკუთარი თავის სიყვარული დაგავიწყდებათ.604 შეფასება არ არის |