ტურინის "იუვენტუსს" პორტუგალიელი თავდამსხმელის კრიშტიანუ რონალდუს მოშორება სურს. ამის შესახებ ჟურნალისტმა ნიკოლა სკირამ ტვიტერზე დაწერა.

კლუბი განიხილავს თავდამსხმელის გაყიდვას სეზონის ბოლოს, თუმცა პორტუგალიელთან კონტრაქტი ძალაშია 2022 წლის ივლისამდე. მიზეზი რონალდოს მაღალი ხელფასია - წელიწადში 31 მილიონი ევრო.

თებერვალში გავრცელდა ინფორმაცია, რომ 36 წლის კრიშტიანუ რონალდუ პირველი ადამიანი გახდა მსოფლიოში, რომელსაც ნახევარი მილიარდი გამომწერი ჰყავს სოციალურ ქსელებში. მის "ინსტაგრამის" გვერდს 269 მილიონი მიმდევარი ჰყავს, Twitter– ზე 91, 5 მილიონი, ხოლო Facebook– ზე 126 მილიონი.

რონალდო 2018 წელს მადრიდის "რეალიდან" ტურინის "იუვენტუსში" გადავიდა . ტრანფერის თანხამ შეადგინა 112 მილიონი ევრო, რაც რეკორდული იყო იტალიის ლიგისთვის.

რონალდუმ იუვეტუსთან ერთად ორჯერ მოიგო ქვეყნის ჩემპიონატი და ქვეყნის სუპერთასი.

სერია A- ს მიმდინარე გათამაშებაში, იუვენტუსი 52 ქულით მესამეა, ლიდერობს მილანის "ინტერი" (62).

რონალდუ მსოფლიოში ერთ-ერთი ყველაზე პოპულარული ფეხბურთელია. იგი ცნობილი გახდა "მანჩესტერ იუნაიტედში", მადრიდის "რეალსა" და "იუვენტუსში" თამაშით. მან ხუთჯერ მოიგო ჩემპიონთა ლიგის თასი. პორტუგალიის ნაკრების შემადგენლობაში, რონალდუ 2016 წელს გახდა ევროპის ჩემპიონი.