დღეს ქართულ ოცნებას ორი არჩევანი აქვს - ან ცოტათი გაიხანგძლივოს ხელისუფლებაში ყოფნა და ან თავისი დასასრული დააჩქაროს. ოღონდ მთავარი ინტრიგა ის არის, რომ არავინ იცის, რა დააჩქარებს მათ დასასრულს - მელიასთვის პატიმრობის შეფარდება თუ მისი გარეთ დატოვება. ყველა შემთხვევაში, ნებისმიერი გადაწყვეტილება უკიდურესი სისუსტის და შიშის დემონსტრირება იქნება - დაიჭერს, იმიტომ, რომ ივანიშვილს მისი, როგორც ოპოზიციის მაკონსოლიდირებული ლიდერის გარეთ ყოფნის ეშინია, არ დაიჭერს და ესეც მისი უსუსურობის მაჩვენებელი იქნება - შიშის, რომ მელიას დაჭერით უკონტროლო პროტესტის ტალღა არ მიიღოს. მოკლედ, როგორც ქართულ ზღაპრებშია, რუსი ოლიგარქის პარტია გზაგასაყარზე დგას, სადაც აწერია - აქეთ წახვალ მოკვდები, იქეთ წახვალ მოკვდები. ახლა მთავარია, რომელი გზა უფრო დაააჩქარებს მის პოლიტიკურ აღსასრულს.