ჯერ კიდევ პანდემიამდე, კალიფორნიაში მეტად უჩვეულო საქორწინო ცერემონია გაიმართა, უჩვეულო კი იმიტომ, რომ მასში ერთი საქმრო და ორი საცოლე მონაწილეობდა. მართალია ჩვენს დროში არატრადიციული ქორწინებები უკვე აღარავის აკვირვებს, მაგრამ ქორწინების ამდაგვარმა ფორმატმა ამერიკაშიც და მის გარეთაც მაინც გააოცა ხალხი.
35 წლის ვანესა და ჯიმი ჯერ კიდევ სკოლის პერიოდიდან ხვდებოდნენ ერთმანეთს, შემდგომში გოგონა თავის ბისექსუალობაში გამოუტყდა შეყვარებულს, მამაკაცმა კი უარი თქვა მის რაიმე შეზღუდვაზე და ფაქტი წყნარად მიიღო. მალევე გოგონამ მამაკაცს თავისი შეყვარებული გოგონა, 25 წლის სამერი გააცნო.
რა გასაოცარიც არ უნდა იყოს, ჯიმი ამაზეც არ ყოფილა წინააღმდეგი, და მალევე სამივემ ერთად ცხოვრება დაიწყო.
მალე გოგონებს ოფიციალურად გათხოვებაც მოუნდათ, და ჯიმიმაც არ დააყოვნა, მან ხელი ორივე გოგონას სთხოვა წინა წლის შემოდგომას და ოფიციალური არატრადიციული ქორწინების ცერემონიაც დაგეგმა. ცერემონიას სამეულის მეგობრები და ნათესავები ესწრებოდნენ, თუმცა ყველა არა, მაგალითად ჯიმის მშობლები, რომლებიც ამდაგვარი ურთიერთობის წინააღმდეგები იყვნენ.
მართალია კალიფორნიაში მრავალცოლიანობა იკრძალება, და თავისთავად ეს ცერემონიაც არ აისახა იურიდიულად, თუმცა ეს ტრიო თავს მაინც ნამდვილ ოჯახად თვლის.
