x
image
ლალი ადიკაშვილი
Mediator image
რატომ გაქრა ცივილიზაცია, რომელმაც პირამიდები ააშენა

ოფიციალური მეცნიერება დღემდე იმ აზრს ემხრობა, რომ პირამიდების მეგალითური ნაგებობები, რომლებიც თითქმის ყველა კონტინენტზეა აღმოჩენილი, სამეფო სამარხებს წარმოადგენს. მაგრამ დღეს სულ უფრო პოპულარული ხდება ვერსია, რომლის მიხედვით, ამ გიგანტურ ნაგებობებს სულ სხვა დანიშნულება ჰქონდა და რომ საერთოდ, ჩვენი ცივილიზაციის მიერ არც არის შექმნილი. პირამიდები დედამიწაზე უფრო ადრეული ცივილიზაციების წარმომადგენლებმა შექმნეს და შეიძლება, რომ ისინი საერთოდაც, არა დედამიწელები, არამედ უცხოპლანეტელები ყოფილიყვნენ. ამგვარი ვერსიების მომხრეები, უპირველეს ყოვლისა, იმით აპელირებენ, რომ ასეთი რთული კონსტრუქციის მქონე ნაგებობის აშენება, დღესაც რთული იქნებოდა და ძველ დროში (აქ ჩვენი ცივილიზაციის განვითარების ის ეპოქა იგულისხმება, რომელშიც ოფიციალური მეცნიერების მონაცემებით, პირამიდები აშენდა) მით უმეტეს, საერთოდ წარმოუდგენელია, ეს როგორ უნდა გაეკეთებინათ?!


image


მარკ ტვენმა ერთხელ აღნიშნა, რომ ჩვენი პრობლემების მიზეზი ის კი არა არის, რომ რაღაც არ ვიცით, არამედ ის, რაშიც დარწმუნებულები და შეცდომაში შეყვანილები ვართ. სკოლაში გვასწავლიდნენ, რომ გიზის პირამიდები ფარაონების დიდების ხაზგასასმელად შეიქმნა და უკანასკნელ დრომდე, მეცნიერების დიდი ნაწილიც ასე ფიქრობდა. მაგრამ, როგორც ჩანს, მათ ბოლოს და ბოლოს დაადგინეს ამ უნიკალური და საიდუმლოებით მოცული ნაგებობების ჭეშმარიტი დანიშნულება: პირამიდები წარმოუდგენელი მათემატიკური სიზუსტით არის აგებული და ამიტომ, პირველი, რაც უნდა აღინიშნოს, ის არის, რომ მიცვალებულის სამარხს, თუნდაც ის ფარაონი ყოფილიყო, ასეთი სიზუსტე არაფერში ესაჭიროებოდა.

გიზის ყველაზე დიდი, ხეოფსის პირამიდების აშენებაზე 2 მილიონზე მეტი ქვის ბლოკია გამოყენებული, – თითოეულის წონა 3-დან – 30 ტონამდეა. თუმცა, არის თითქმის 50 ტონიანი ბლოკებიც. პირამიდის საფუძველი 55 ათასი კვ. მ-ს შეადგენს, ხოლო თითოეული გვერდის ფართობი – 20 250 კვ. მ-ია და პირამიდის გარე ფასადი 144 ათასი გაპრიალებული ქვით არის მოპირკეთებული. თითოეული ქვის სისქე, დაახლოებით, 2 მ-ია, ხოლო წონა – 15 ტონაზე ნაკლები არ არის. ექსპერტები თვლიან, რომ ასეთი მონუმენტური ნაგებობის ასაშენებლად, მინიმუმ 20 წელი მაინც იქნებოდა საჭირო და ესეც იმ შემთხვევაში, თუ ყოველდღიურად ობიექტზე 20 ათასი ადამიანი იმუშავებდა.

და ამდენი ძალისხმევა მხოლოდ იმისთვის, რომ შემდეგ იქ ერთი ადამიანის სარკოფაგი მოეთავსებინათ? თუმცა უნდა აღინიშნოს, რომ მასში სარკოფაგი მართლაც იპოვეს, მაგრამ ცარიელი.

მაგრამ, არც ის არის გამორიცხული, რომ რაც მეცნიერებს სარკოფაგი ჰგონიათ, სინამდვილეში სულ სხვა დანიშნულება ჰქონოდა, რადგან იქ აღმოჩენილი გრანიტის სარკოფაგი, მინიმუმ 10 ტონას მაინც იწონის, თან იმდენად დიდია, რომ პირამიდაში არსებულ გვირაბებში ვერც გაეტევა. ამიტომ, რთული არ არის იმის მიხვედრა, რომ ეს ქვის ოთხკუთხედი სათავსო, შეტანილი კი არა, მისი აშენების დროს არის დამონტაჟებული. გარდა ამისა, ეგვიპტოლოგები დღეს უკვე ფიქრობენ, რომ მშენებლობაზე აუცილებლად უნდა უნდა ყოფილიყო რაიმე სახის ტექნიკა, რომელიც ათობით ტონიან ტვირთს მაღლა ასწევდა.


image


სფინქსის და პირამიდების შესწავლის შედეგად, მეცნიერებმა წვიმის ეროზიის კვალი აღმოაჩინეს, რაც იმის მტკიცების საშუალებას იძლევა, რომ ეს ნაგებობები უფრო ძველი წარმომავლოის არის, ვიდრე აქამდე ითვლებოდა. საქმე იმაშია, რომ ეგვიპტის კლიმატი, ისეთი როგორიც ის ამჟამად არის, უკანასკნელი 10 ათასი წლის მანძილზე, თითქმის არ შეცვლილა და წვიმა ამ რეგიონში არც ისე ხშირად მოდის, რომ რაიმე სახის ეროზია გამოიწვიოს. ამიტომ, შეგვიძლია ვთქვათ, რომ 10-12 ათასი წლის წინ, პლანეტაზე, ტექნოლოგიური თვალსაზრისით, მაღალგანვითარებული ერი ცხოვრობდა და არა ნადირობით და შემგროვებლობით დაკავებული ჰომოსაპიენსი. ტექნის არსებობა კი, ელექტრო დენის არსებობას მოითხოვს და დღეს მეცნიერების ერთი ნაწილი თვლის, რომ პირამიდებს ადრე ენერგოობიექტების დანიშნულება ჰქონდა და სამარხების ფუნქცია მოგვიანებით მიიღო. როგორც ამბობენ, ისინი ელექტრომაგნიტურ იმპულსებს დღესაც ასხივებენ, რომლის დაფიქსირება ნებისმიერი მგრძნობიარე ხელსაწყოს საშუალებით არის შესაძლებელი. სწორედ ამის გამო, პირამიდების თავზე, 100 მეტრის რადიუსში, ფრენები არის აკრძალული.


image


დღეს მეცნიერები თვლიან, რომ პირამიდები ენერგომიმღების ფუნქციას ასრულებდნენ. ამასთან, ენერგორესურსებს მხოლოდ ერთი წყაროდან კი არა, სხვადასხვა სისტემებიდან ღებულობდნენ. დამტკიცებულია, რომ ყველა პირამიდა რომელიმე თანავარსკვლავედზეა ორიენტირებული და იმის გათვალისწინებით, რომ კოსმოსური ობიექტები გამუდმებით ადგილს იცვლიან, რაღაც მომენტში, ენერგო ნაკადი შეიძლება შესუსტებულიყო ან საერთოდაც გამქრალიყო. ხოლო, პლანეტა ელექტრო ენერგიის გარეშე რომ არ დარჩენილიყო, იმ პირამიდებში, რომლშიც ენერგო ნაკადი სუსტდებოდა, ენერგიის გადაქაჩვა სხვა პირამიდებიდან ხორციელდებოდა. შესაძლებელია სწორედ ეს იყოს იმის მიზეზი, რომ პირამიდების მნიშვნელოვანი ნაწილი პოლუსებიდან თანაბარი მანძილით არის დაშორებული და თითქმის ერთ ხაზზეა განლაგებული.

პირამიდებში კოსმოსიდან წამოსული ენერგიის ნაკადის გენერირება ხდებოდა, ხოლო დედამიწის მაგნიტურ ველთან ურთიერთქმედებით და ისეთივე ქსელის შექმნით, როგორიც თანამედროვე ფიჭურ კავშირს გააჩნია, ელ. ენერგია დედამიწის მთელს ზედაპირზე ნაწილდებოდა. ეს კი იმას ნიშნავს, რომ იმ ეპოქაში, დენი უკაბელო იყო, ისე როგორც დღეს ინტერნეტია და ის სხვადასხვა სახის ტექნიკისთვის ენერგიის წყარო წარმოადგენდა, მათ შორის, საფრენი ობიექტებისთვისაც და ამ ვერსიის არსებობა ნამდვილად არ არის საფუძველს მოკლებული, რადგან ძველინდურ ტრაქტატებში – მაჰაბჰარატასა და რამაიანაში (მოქმედება 1, 2 მლნ. წლის წინ ვითარდება), მფრინავი მანქანები არაერთხელ არის ნახსენები. გარდა ამისა, მფრინავი ობიექტების გამოსახულებები დღემდე შემორჩენილია აბიდოსის ტაძრის კედელზე და პერუს პირამიდებზე. ხოლო, სამხრეთ ამერიკაში ასევე ნაპოვნია თვითმფრინავის ფორმის ოქროს ფიგურები.imageის, რომ უძველეს დროში ელექტროენერგია არსებობდა, წერილობითი წყაროებიც მოწმობს. მაგ., ცნობილია, რომ ბერძნები, რომლებიც განათლების მისაღებად ეგვიპტეში ჩადიოდნენ, სამშობლოში დაბრუნების შემდეგ ჰყვებოდნენ, რომ ტაძრების მიწისქვეშა დერეფნები მუდმივად განათებული იყო, თუმცა სინათლის წყარო არსად ჩანდა.

ნეტარი ავგუსტინე V საუკუნეში ლამპას აღწერდა, რომელსაც ვერ აქრობდა ვერც წყალი და ვერც ქარი. ხოლო, პლუტარქე (46 – 127 წწ.) ამონი რას ტაძარში ნანახი ლამპის შესახებ ჰყვებოდა, რომელიც ადგილობრივი ქურუმების მტკიცებით, უკვე რამდენიმე საუკუნის მანძილზე, გამუდმებით ენთო.

გარდა ამისა, არსებობს მატერიალური მტკიცებულებები, რომლებიც ასევე მიუთითებს, ძველ დროში, ელექტროენერგიის არსებობაზე:

მაგ., ზემოთ უკვე ხსენებული ხეოფსის პირამიდაში აღმოჩენილი სარკოფაგი ერთიანი გრანიტის ქვისგან არის გამოჭრილი და მისი ზედაპირი იმდენად კარგად არის დამუშავებული, რომ სიბრტყის ხარვეზი მხოლოდ 0, 025 სმ-ს შეადგენს. ყველაზე მთავარი კი, სამგანზომილებიანი 90 გრადუსიანი კუთხეებია, რომლის გაკეთება პრიმიტიული იარაღებით ნამდვილად შეუძლებელი იქნებოდა. გარდა ამისა, დღეს თანამედროვე ხელსაწყოების არსებობის პირობებშიც კი, შეუძლებელია შიდა კედლების ასე დამუშავება და როგორც ამ საქმის სპეციალისტები ამბობენ, მსგავსი «ყუთის შესაკრავად», ერთიან ქვას არ იყენებენ და შეკვეთის შემთხვევაში, ის 6 ფილისგან იქნება გაკეთებული (სახურავიც იგულისხმება), რადგან ფილები ჯერ იჭრება, შემდეგ პრიალდება და უკვე ადგილზე მიტანის შემდეგ იკვრება.


image


ვლევებმა აჩვენა, რომ ათასწლეულების წინ გიზის დიდი პირამიდა კირქვის ფენით იყო დაფარული და მისი ზედაპირი აბსოლუტურად ბრტყელი იყო, რაც ნაგებობას მზის სხივების არეკვლის საშუალებას აძლევდა. ხოლო, მისი თავი ოქროს ფირფიტით იყო დაფარული. გარდა ამისა, პირამიდაში გამავალი გვირაბები მცირე დოზის რადიაქტიული გრანიტით არის მოპირკეთებული, რომელიც სხვადასხვა სახის ლითონის მინარევებს შეიცავს. ამ სახის მინერალს კი, ჰაერის იონიზირება და მისი ელექტროგამტარობის გაზარდა შეუძლია.

ძველ მსოფლიოში ელექტროენერგიის არსებობის ფაქტს თუ დავუშვებთ, რთული ასახსნელი არ იქნებოდა, თუ როგორ გაჩნდა უძველეს არტიფაქტებზე ოქროს თხელი ფენა. მაგ., ისეთ რთული საგნებზე, როგორიც ტუტანხამონის სამეფო ტახტია. დღეს ოქროს ან ვერცხლის თხელი ფენის ნივთზე დატანა მხოლოდ ელექტროხელსაწყოს გამოყენებით შეიძლება. ამასთან, 2 ათასი წლის წინ ამას ისე ოსტატურად აკეთებდნენ, ფენა იმდენად ერთგვაროვანი იყო, რომ ჩვენს ცივილიზაციას ამ დონისთვის ჯერ არ მიუღწევია.



image


გარდა ამისა, გიზის პლატოზე, XIX საუკუნეში, არქეოლოგებმა სტელა აღმოაჩინეს, რომელზეც წერია, რომ სფინქსი და დიდი პირამიდა მანამდე არსებობდა, ვიდრე ტახტზე ხუფუ (ფარაონი ხეოფსი) ავიდოდა. ხოლო, პირამიდის რეალური პატრონი ქალღმერთი ისიდა იყო. რაც შეეხება ხეოფსს, პირამიდებთან კავშირში, მისი სახელიც არის ნახსენები. მაგრამ, არა როგორც მშენებლობის მწარმოებლის, არამედ, როგორც სარემონტო სამუშაოების ჩატარების ბრძანების გამცემის.

აღნიშნული სტელა დღეს კაიროს მუზეუმში ინახება. ერთი პერიოდი მისი ნახვა ყველას შეეძლო, მაგრამ დღეს უკვე საცავშია გადატანილი. ხელისუფლებას არ აწყობს საკუთარი ქვეყნის ისტორიაში კორექტივების შეტანა. რადგან თუ კვლევა ამ მიმართულებით გაგრძელდა, აღმოჩნდება, რომ პირამიდები არა ეგვიპტური, არამედ სხვა ცივილიზაციის მიერ არის აშენებული და ამიტომ, არტიფაქტების უდიდესი ნაწილი, რომელიც პირამიდების მშენებლობის თარიღს და მის რეალურ დანიშნულებას უკავშირდება, უბრალოდ, გადამალულია და იგივე პირამიდები, სტოუნჰენჯი და მსგავსი მეგალითური ნაგებობები, თითქმის, ერთადერთ მტკიცებულებას წარმოადგენს იმისა, რომ ადრე დედამიწაზე სხვა ცივილიზაცია არსებობდა. ეს ყველაფერი ჩვენი ცივილიზაციის მიერ რომ იყოს შექმნილი, ცოდნა არ დაიკარგებოდა და ის თაობიდან თაობას გადაეცემოდა.


image


დღეს უკვე აღარავინ კამათობს იმაზე, რომ ძველი ცივილიზაცია ბევრად უფრო განვითარებული იყო, ვიდრე ჩვენ ვართ (ცნობილია, რომ იაპონელმა მეცნიერებმა პირამიდის მშენებლობის დაპროექტირება სცადეს, დღევანდელი ტექნიკური საშუალებების გათვალისწინებით და იმ დასკვნამდე მივიდნენ, რომ ასეთი ნაგებობების აშენება შეუძლებელი იყო. რედ.). მაგრამ, ყველას აინტერესებს, თუ სად გაქრნენ ამ მაღალგანვითარებული ცივილიზაციის წარმომადგენლები?

მეცნიერებმა არაერთხელ გამოიკვლიეს ხეოფსის პირამიდა, თუმცა მასში არსებული ელექტრომაგნიტური იმპულსების მიზეზი ვერ ახსნეს. პირამიდის ზედა ნაწილში კი, პატარა ოთახი აღმოაჩინეს, რომლიდანაც პირამიდის წვერზე შეიძლება მოხვედრა. ყველა ვინც იქ ყოფილა, აღნიშნავს, რომ მას რაღაც ელემენტი აკლია. რაც იმის ვარაუდის საფუძველს იძლევა, რომ იმ ადგილზე, წარსულში, ენერგიის მიმღები მოწყობილობა იდგა. ეჭვგარეშეა, – ეს ყველაზე მთავარი დეტალი იყო, კრისტალის მაგვარი რაღაც, რის გარეშეც ეს გიგანტური ნაგებობა, მხოლოდ ქვების გროვას წარმოადგენდა და მეტს არაფერს.

შუმერული ჩანაწერების მიხედვით, ძვ. წ. აღრ. 445 000 წელს პლანეტა ნიბირუდან დედამიწაზე ანუნაკები ჩამოვიდნენ და ანტიგრავიტაციული იარაღი ჩამოიტანეს, რომლის მეშვეობით, გარკვეულ ტერიტორიაზე, დედამიწის მიზიდულობის ძალის გათიშვა შეიძლებოდა. ძველბერძნულ ჩანაწერებში, პირამიდების მშენებლობის მექანიზმი «მფრინავი ქვების» სახელით არის მოხსენიებული და პლატონის მტკიცებით, ეგვიპტელმა ქურუმებმა ყველაფერი იცოდნენ ამ საიდუმლოს შესახებ. როგორც გაირკვა, აკუსტიკურ ტალღებს დედამიწის გრავიტაციის დაძლევა და უწონობის ველის შექმნა შეუძლია და ასეთ ვითარებაში, უზარმაზარი ბლოკები ფეხბურთის ბურთზე უფრო მსუბუქი ხდება. აღსანიშნავია, რომ დღევანდელი ტექნოლოგიების გამოყენებით, მსგავსი მეთოდით, მხოლოდ ჩოგბურთისხელა საგნის აწევა არის შესაძლებელი. ამაზე შორს, ჩვენი ცივილიზაცია არ წასულა. მაგრამ ეს შედეგი, იმის მტკიცებულებად გამოდგება, რომ საგნების აკუსტიკური ლევიტაცია შესაძლებელია.


image


ანტიგრავიტაციული იარაღი ანუნაკებს პლანეტაზე ინფრასტრუქტურის მოსაწყობად ანუ პირამიდების ასაშენებლად ესაჭიროებოდათ. უკანასკნელი კვლევების მიხედვით, სფინქსი 12 ათასი წლის წინ არის შექმნილი, ხოლო პირამიდები ბევრად უფრო ძველი ნაგებობებია.

ერთ–ერთი ვერსიის მიხედვით, ანუნაკების დედამიწიდან გაქრობის მიზეზი – კოსმოსური კატასტროფა იყო. «ბიბლიაში» და ბევრ ძველ წყაროში აღწერილი მსოფლიო წარღვნა, დედამიწის სიახლოვეს, დიდი ზომის მეტეორიტის ჩავლის შედეგი იყო. მეცნიერები ვარაუდობენ, რომ ვენერაზე სიცოცხლის განადგურების და მარსისთვის ატმოსფეროს მოცილებების და მისი უსიცოცხლო უდაბნოდ ქცევის მიზეზიც, სწორედ ეს უნდა ყოფილიყო. მიუხედავად იმისა, რომ დედამიწა ამ მოვლენის შედეგად, ყველაზე ნაკლებად დაზარალდა, მასზე მცხოვრებმა ცივილიზაციამ საკუთარი არსებობა რისკის ქვეშ აღარ დააყენა და გარკვეული პერიოდით, დედამიწის დატოვება გადაწყვიტა.

წავიდნენ და ენერგეტიკული კრისტალებიც თან წაიღეს... და როგორც მეცნიერები ვარაუდობენ, კრისტალები იმიტომ კი არ წაიღეს, რომ დაკარგვის ეშინოდათ, არამედ, იმიტომ, რომ ეს მოწყობილობები ერთგვარ ამორფულ სუბსტანციას წარმოადგენდა, თან არასტაბილურს. ხოლო, არაპროგნოზირებად კოსმოსურ კატასტროფას, მისი დეტონაცია და მთელი პლანეტის განადგურება შეეძლო.


image


და აქ ისმის კითხვა: დაბრუნდებიან თუ არა ისინი და თუ დაბრუნდებიან, როდის?

კაცობრიობისთვის, რომელიც კოსმოსურ სიღრმეებს ჯერ-ჯერობით მხოლოდ თეორიულად სწავლობს, 10 ათასი წელი საკმაოდ ხანგრძლივი პერიოდია. თუმცა, ისეთი ტექნიკური შესაძლებლობებით, როგორსაც ანუნაკები ფლობდნენ, დროის და სივრცის მიღმა ყოფნაც შესაძლებელია.

ძველინდურ ლეგენდებში ნათქვამია რომ «ღმერთები ციდან» ისევ დაბრუნდებიან და თავიაანთ პოზიციებს აღიდგენენ... და თუ ეს მართლა მოხდება, მაშინ ჩვენ, – დედამიწელებს რა ბედი გველის?

ინფორმაცია იმის შესახებ, თუ რა როლი ჰქონდა ჩვენს ცივილიზაციას იმ პრეისტორიულ პერიოდში, ამჟამად მეტად ბუნდოვანია, მაგრამ თამამად შეიძლება ითქვას, რომ ამგვარ კავშირს ადგილი ნამდვილად ჰქონდა. მრავალრიცხოვანი ნახატები პირამიდების და ტაძრების კედლებზე, იმაზე მიუთითებს, რომ პლანეტაზე დედამიწელები ტიტულირებულები არ იყვნენ (ქურუმი მანეთონის ინფორმაციით, ფარაონების ეპოქის დაწყებამდე – ძვ. წ. აღრ. III ათასწლეულამდე, 18 ათასი წლის მანძილზე, ეგვიპტეს ღმერთები და ნახევრადღმერთები მართავდნენ. აქვე უნდა აღინიშნოს, რომ მაგ., შუმერებისთვის, ღმერთი ადამიანი იყო, რომელიც მაღალ ტექნოლოგიებს ფლობდა. რედ.), მაგრამ არც დამონებულები ყოფილან... და კიდევ, ჩვენამდე მოღწეული ინფორმაციის თანახმად, ჩანს, რომ სწორედ მათ, ვინც პირამიდები ააშენეს, კაცობრიობის ცივილიზაციაც შექმნეს და კონტინენტებზე განასახლეს (იხ. სტატიის დანართი: ხელოვნური ცივილიზაცია და ჩვენთვის შექმნილი ხელოვნური სამყარო. რედ.). ამის მიზეზი კი ის იყო, რომ ამოუწურავი ენერგიის არსებობის პირობებშიც კი, დამატებითი რესურსების არსებობა, მუშახელის სახით, მაინც საჭირო იყო.

imageimageimage
imageimageimageimage



2
1470
6-ს მოსწონს
ავტორი:ლალი ადიკაშვილი
ლალი ადიკაშვილი
Mediator image
1470
  
2021, 6 თებერვალი, 14:47
მადლობა
2021, 5 თებერვალი, 15:07
ძალიან საინტერესო სტატიაა.
0 1 2