დალევასა და მოლხენას რა ჯობს, მაგრამ ავღანეთში საერთაშორისო მისიის შესრულების დროს, სადაც შენგან 24-საათიან საბრძოლო მზადყოფნას ითხოვენ, ჭიქების დაჭახუნებასა და ბანცალ-ბანცალით სიარულს არავინ გაპატიებს.

როგორც ჩანს, ამ შეგონების მალიმალ გამეორება განსაკუთრებით ლიტველ სამხედრო მოსამსახურეებს სჭირდებათ.აგერ უკვე მეორედ ავღანურ მისიაში ჩართული ლიტვური კონტინგენტიდან სამხედროები სიმთვრალის გამო დაითხოვეს.

ნაქეიფარი სამი ლიტველი:სამხედრო-საჰაერო ძალების პილოტი, ინჟინერი და ბორტოპერატორი ქაბულში სამხედრო პოლიციამ გამოიჭირა.ისინი სამსახურიდან დაითხოვეს და სამშობლოში გაამგზავრეს.

მსგავსი ამბავი 2 წლის წინაც მოხდა, მაშინაც სამი ლიტველი ოფიცერი ავღანეთიდან სამშობლოში სწორედ ლოთობის გამო გაუშვეს.

ინფორმაციის წყარო:ჟურნალი "არსენალი"