ვერ დასძალავსო სენი ტარიელს,

თავს ვიმხნევებდით ასე - არა და,

კაცმა ცნობილმა უღალატობით,

ერთხელ ყველანი დაგვაღალატა.

*

მას არ შეეძლო მცირედ, ზერელედ,

გულწრფელი იყო ყველგან სავსებით,

სენთანაც დარჩა ცამდე მართალი

და და დაავადდა მთელი არსებით!

*

სამშობლო ჰყავდა მუდამ საფიცრად,

ქუდად ეხურა მარტო მისი ცა

და სამშობლომაც - როცა დაჭირდა,

ადგა და სწორედ ის დაიფიცა...

*

მას არ სჯეროდა სხვსგვარი ბედის,

სამშობლოს ხვალეს ჭვრეტდა იმედად,

და სამშობლომაც, რაღა თქმა უნდა,

რომ ბედობისას - ის დაიბედა.

*

კაცი ხიბლავდა სულისმიერად

და არა მასზე მოცმული ფარჩა,

იყო ჯიუტიც, უკომპრომისო -

წავიდა ისე, რომ მაინც დარჩა!

*

ვერ დასძალავსო სენი ტარიელს,

თავს ვიმხნევებდით ასე - არა და,

კაცმა ცნობილმა უღალატობით,

ერთხელ ცოტათი დაგვაღალატა...

*

ლექსის ავტორი: გიორგი ხორბალაძე

**

**

ტარიელ ფუტკარაძეს გამოქვეყნებული აქვს ენათმეცნიერული ხასიათის 300-ზე მეტი სამეცნიერო ნაშრომი და 300-მდე პუბლიცისტური წერილი.

ხელმძღვანელობდა დიალექტოლოგიურ ექსპედიციებს: აჭარაში, სამცხე-ჯავახეთში, სვანეთში, ლეჩხუმში, სამეგრელოში, ხევსურეთში, იმერხევში, ტაოში; უშუალოდ მისი ხელმძღვანელობით განხორციელდა 29 დიალექტოლოგიური ექსპედიცია.

ტარიელ ფუტკარაძე იყო საქართველოს რესპუბლიკის პირველი მოწვევის უზენაესი საბჭოს წევრი საარჩევნო ბლოკიდან "მრგვალი მაგიდა - თავისუფალი საქართველო"; 1991 წლის 9 აპრილს ხელი მოაწერა საქართველოს დამოუკიდებლობის აღდგენის აქტზე.

*