სადიო მანე ყოველწლიურად დაახლოებით 10.2 მილიონ დოლარს გამოიმუშავებს. როდესაც ფანების ყურადღების ცენტრში მისი დამსხვრეული მობილურის ეკრანი მოექცა, რამაც, რასაკვირველია, ქომაგების გაოცება გამოიწვია, სენეგალელმა ფეხბურთელმა შემდეგი კომენტარი გააკეთა:
''რად მინდა 10 ფერარი, 20 ბრილიანტის საათი და 2 თვითმფრინავი? რას მოუტანს ეს მსოფლიოს?
ვშიმშილობდი, ვმუშაობდი მინდვრებში, ფეხბურთს ფეხშიშველი ვთამაშობდი, სკოლაში არ დავდიოდი. ახლა კი შემიძლია დავეხმარო ხალხს. მირჩევნია, ავაშენო სკოლები, საფეხბურთო მოედნები და ტანსაცმლით, ფეხსაცმლითა და საკვებით ვუზრუნველვყო უკიდურეს გაჭირვებაში მყოფები. ყოველთვიურად 70 ევროთი ვეხმარები სენეგალის უღარიბესი რაიონების მცხოვრებლებს, რათა მათი ეკონომიკური მდგომარეობა უკეთესობისკენ შევცვალო.
არ მჭირდება მდიდრული სახლები, მოგზაურობები. მირჩევნია, ჩემმა ხალხმა მიიღოს ცოტა რამ იქიდან, რაც მე ცხოვრებამ მომცა.''