მღვდელი წლების განმავლობაში ძალადობდა ბავშვებზე

რელიგია

2020, 19 დეკემბერი, 17:15

ცოტა ხნის წინ ინტერნეტში გამოქვეყნდა ვიდეო, სადაც ექვსი ადამიანი, მათ შორის მოზარდები აღიარებენ, რომ მათ უჩივლეს მშობლებს - სერგი და ოლგა სმოლიაკოვს. სიტუაციის ართულებს ის ფაქტიც, რომ მამა სერგი არის სოფელ სორლინეიში ნიკოლსკაიას ეკლესიის ყოფილი მოძღვარი, რომელიც მორდოვიაში, ჩამზინსკის რაიონში მდებარეობს.

მღვდელს ყველა პატივს სცემდა და უყვარდა, მათ შორის მისი სიკეთის გამო, რადგან იგი 12 შვილს ზრდიდა - ექვსს თავისას და ექვსაც ნაშვილებს. ამიტომ, ასეთმა ამბავმა ყველა შოკში ჩააგდო, წერს "Столица С". ბავშვებმა აღიარეს, რომ ეს მხოლოდ ფასადი იყო, მაგრამ სინამდვილეში ისინი სპარტანულ პირობებში იზრდებოდნენ, რა დროსაც ყველაზე მეტად, ნაშვილებ ბავშვებს ხვდებოდათ.

"ჩემს საწოლის თავზე ეკიდა ხატი, რომელიც განასახიერებდა სამოთხესა და ჯოჯოხეთს. დედამ თქვა, რომ ჯოჯოხეთში დავიწვებოდი დაუკითხავად აღებული კანფეტის გამო ... ღამით კოშმარები მესიზმრებოდა. რამდენჯერ ჩამკეტეს ცივ სარდაფში საშინაო სამოსით ! ამის გამო ქრონიკული ჰაიმორიტი ჩამომიყალიბდა ..."-ეკატერინა სმოლიაკოვა.

ყველას- ვაჟებს და ქალიშვილებს სცემდნენ ნებისმიერი საგნით, რომელიც ხელში მოხვდებოდათ : ჯოხები, ქამრები და ა.შ. გარდა ამისა, მათ სცემდნენ "მცირედი ცოდვებისთვისაც", მაგალითად, სკოლაში ნაჩუქარი საახალწლო ტკბილეულობის აღებისთვის . ბავშვები შიმშილით კვდებოდნენ, ამიტომ ისინი ან კლასელებს სთხოვდნენ საჭმელს ან მაღაზიებიდან იპარავდნენ. მას შემდეგ. რაც ოჯახის უფროსმა შეიტყო ამის შესახებ, ბავშვებს სკოლაში სიარული აუკრძალა.

ბავშვებს კოჭავდნენ და სარდაფში აგდებდნენ, რათა "დემონები განედევნათ".

"დანაშაულისთვის" ბავშვებს გონების დაკარგვამდე უჭერდნენ ყელში .რამდენიმე ბავშვმა სახლიდან გაქცევა დააპირა, თუმცა მშობლებმა ისინი დაიჭირეს და ცალკე დაამწყვდიეს. ორი ბიჭი გაგზავნეს აფხაზეთის მონასტერში აღსაზრდელად, და-ძმებმა მათი ასავალ-დასავალის შესახებ არაფერი იციან.

მაგრამ ბოლო წვეთი იყო მაშინ, როდესაც მამა სერგიმ უფროს ვაჟებს ძალაყინით შეუტია, ისინი თავიანთი უმცროსი ძმების საბუთებისთვის მოვიდნენ. ბიჭები ერთ-ერთ ოთახში შეიკეტნენ, მღვდელი კი კარების შემტვრევას ცდილობდა.

ბიჭები მოახერხეს ფანჯრიდან გადახტომა და მცირეწლოვანი დედმამიშვილების წაყვანა

მათ უკვე პოლიციაში შეიტანეს საჩივარი . ბავშვებს ეშინიათ, რომ ვერაფერს მიაღწევენ, რადგან მათი მშობლები ძალიან გავლენიანი ხალხია.