ალბათ, დიზაინერები ვერც კი იფიქრებდნენ, რომ 2020 წელს, პირბადეების დიზაინზე იმუშავებდნენ და მოუწევდათ ინოვაციური პირბადეების შექმნა.

თუმცა ეს მოხდა და ისინი უკვე დღითი-დღე გვაოცებენ, ახლა უკვე, ყველაზე მნიშვნელოვანი ნივთის ნაირსახეობების შემოთავაზებით.

ამჯერად საუბარია გამჭვირვალე სახის ნიღაბ cleanshield, რომელიც $23 ღირს.

cleanshield მთავარი მახასიათებელი, რაც სხვა ნიღბებისგან გამოარჩევს არის ის, რომ სრულიად გამჭვირვალეა, რაც საშუალებას გვაძლევს ჩვენი სახე და ღიმილი, რომელსაც თითქმის ერთი წელია "ვმალავთ", მთლიანად გამოვაჩინოთ.

როგორც მწარმოებლები გვეუბნებიან cleanshield-ი:

შექმნილია დაორთქლვის საწინააღმდეგო მასალისგან

უზრუნველყოფს სრულ დაცვას. ხელს უშლის პირდაპირ ჰაერის წვეთების მოხვედრას პირში, ცხვირზე, ან სახეზე.

დამზადებულია უსაფრთხო და ეკოლოგიურად სუფთა მასალისგან.

არის მრავალჯერადი და გადამუშავებადი.

ადვილად იწმინდება - შეიძლება გაიწმინდოს საპნით და წყლით, ჭურჭლის სარეცხი მანქანით, ან ანტიბაქტერიული ხელსახოცებით, ანდა ხსნარის შესხურებით.

შრება სწრაფად - გარეცხვიდან რამდენიმე წამში.