ამერიკელმა მეცნიერებმა დაასახელეს სიცოცხლის მინიმუმ 10 წლით გახანგრძლივების მეთოდი. კვლევა გამოქვეყნდა აშშ – ს მედიცინის ეროვნული ბიბლიოთეკის ვებ – გვერდზე.

ექსპერტებმა გაანალიზეს ხანშიშესული მამაკაცებისა და ქალების სიკვდილის მიზეზები და ცხოვრების წესი ევროპის 11 ქვეყანაში. შედეგად, მათ დაასკვნეს, რომ სწორმა კვებამ, სტრესის გარეშე ცხოვრებამ, მოწევაზე უარის თქმამ და ზომიერად ალკოჰოლის მიღებამб ადამიანის სიცოცხლის ხანგრძლივობა შესაძლოა ათი წლით გაზარდოს. მკვლევარები ურჩევენ ადამიანებს ხმელთაშუაზღვის დიეტის მიღებას, რადგან იგი მდიდარია ხილით, ბოსტნეულით და მარცვლეულით. ასეთი კვება შეამცირებს გულსისხლძარღვთა და ონკოლოგიურ დაავადებებს, მეტაბოლური სინდრომისა და ტვინის ფუნქციის დაქვეითების რისკს.

მეცნიერებმა აღნიშნეს, რომ მოწევაზე უარის თქმა და ალკოჰოლის ზომიერად მიღება 17-18 პროცენტით ამცირებს სიკვდილის რისკს. სტრესის ნაკლებობა ასევე დადებითად მოქმედებს სიცოცხლის ხანგრძლივობაზე. მკვლევარების აზრით, ბედნიერ ადამიანებში ნაადრევი სიკვდილის რისკი თითქმის ოთხი პროცენტით მცირდება.

სპეციალისტებმა შეისწავლეს 1507 კაცისა და 832 ქალის ცხოვრების წესი 1988 – დან 2000 წლამდე.

მანამდე ნორვეგიის მეცნიერებისა და ტექნოლოგიის უნივერსიტეტის მეცნიერებმა აღმოაჩინეს, რომ ხუთი წლის განმავლობაში ინტენსიური ვარჯიში არის ჯანმრთელობის, ცხოვრების ხარისხის გაუმჯობესებისა და დაბერების შენელების ეფექტური გზა. კვლევაში მონაწილეობდა დაახლოებით შვიდი ათასი მოხალისე, რომელთა ასაკი 70-77 წელი იყო.