კორონავირუსი კვლავ სწრაფი ტემპებით განაგრძობს გავრცელებას. მსოფლიოს მრავალ ქვეყანაში ლოქდაუნია გამოცხადებული. შეიძლება ითქვას, რომ 2020 წელი “ჩავარდა". გადაიდო არაერთი კულტურული თუ სპორტული ღონისძიება, დაიკეტა ბაზრობები, ორგანიზაციები, სკოლები, საბავშვო ბაღები და ნახევარი მსოფლიო სახლშია გამოკეტილი. წამყვანი ქვეყნები გამუდმებით აცხადებენ, რომ ვირუსის საწინააღმდეგო ვაქცინა შექმნეს ან ახლოს არიან ამასთან.

თითქმის ერთწლიანმა ვირუსთან თანაცხოვრებამ შეცვალა ადამიანებიც – ზოგს სუსტი ნერვები აღმოაჩნდა და ვერ ახერხებს მითითებული რეკომენდაციების დაცვას; ზოგმაც საკუთარ თავში ახალი ადამიანი და ნიჭი აღმოაჩინა; შეიცვალა ვირუსთან დამოკიდებულებაც, თუ გაზაფხულზე მოსახლეობის უმრავლესობა პანიკაში იყო, ახლა დიდი ნაწილი უგულებელყოფს მის არსებობას, ან მისგან მომდინარე საფრთხეს, რამაც კიდევ უფრო მეტი გასაქანი მისცა პანდემიას.

იმ შემთხვევაშიც კი, თუ ჩავთვლით, რომ ვაქცინა შექმნილია, მოსახლეობის იმ რაოდენობის აცრას, რაც უზრუნველყოფს ინფიცირებულთა რაოდენობის მკვეთრად შემცირებას, თვეები და შესაძლოა, წელიწადიც დასჭირდეს. გარდა ამისა, ადამიანების ნაწილი ფიქრობს, რომ ვაქცინას ორგანიზმისთვის საშიში უკუჩვენებები ექნება და აქედანვე უარს ამბობენ აცრაზე. არსებობენ ისეთებიც, ვისაც სწამს, რომ ვაქცინით ადამიანის გენის ცვლილება მოხდება და ასრულდება ბიბლიური წინასწარმეტყველება სამყაროს აპოკალიფსზე.

ყველაფერთან ერთად, ისიც უნდა გვესმოდეს, რომ ვაქცინა არ იქნება ჯადოსნური ჯოხის მაგვარი, რომ წამიერად შეძლოს ადამიანის გადარჩენა. ევროპაში ფიქრობენ, რომ 2021 წელს ვირუსი ძალიან სახიფათო დამამთავრებელ ფაზაში გადავა და მილიონობით ადამიანს შეიწირავს.

სწორედ ამიტომ, ვფიქრობ, ყველა უნდა მოერიოს თავის თავს, თავის სიამაყესა თუ შიშს და დაიცვას ის რეკომენდაციები, რასაც მედიკოსები გასცემენ. ახლა არაა დრო, არაპროფესიონალებმა ამ საკითხში თავიანთი აზრები მოახვიონ სხვებს და დაღუპონ ამით ისინი, არც იმის დროა, რომ პანიკაში ჩავვარდეთ და სუსტი ნერვების გამო დავიღუპოთ თავი.

დაიწყება თუ არა მოქალაქეებზე მსოფლიოს მასშტაბით იმუნიტეტის მოწმობების გაცემა

კოვიდ-19-ის ახალი სიმპტომი – აჩლუნგებს თუ არა კორონავირუსი?!