უჩვეულო სანახაობას წარმოადგენს ბუნების შესანიშნავი ნამუშევარი - ცეცხლის ცისარტყელები. ის ძალიან იშვიათად გამოჩნდება ხოლმე მსუბუქ, ფაფუკ ცირუსის ღრუბლებს შორის. ცირუსის ღრუბლები ესაა თეთრი, გამჭვირვალე ღრუბლები, შიდა ჩრდილების გარეშე, გრძელი და თხელი ძაფების ასპექტით. ეს ძაფები შეიძლება, რეგულარულად ნაწილდებოდეს პარალელური ხაზების სახით. ცირუსის ღრუბლების დროს ცა თითქოს დაფარულია ფრჩხილებში.

ცეცხლოვანი ცისარტყელები, ეს საოცრად ლამაზი სანახაობა წარმოიშვება მაშინ, როცა ცირუსის ღრუბლები იმყოფება 6 კმ. სიმაღლეზე, მზე კი ჰორიზონტზე 58 გრადუსზე მაღლა უნდა იმყოფებოდეს. ასევე, ყინულის კრისტალების რიცხოვნება ღრუბლებში უნდა იყოს საკმარისი, ამ მოვლენისათვის შესაბამისი და სწორად განლაგებული.

რატომ "ფეთქდება" ღრუბლები ფერადი ალით?

ცეცხლოვანი ცისარტყელების, ამ საოცარი ფენომენის გამომწვევი მიზეზი სინათლის გარდატეხაა, იგი ვერტიკალურ მხარეს ეცემა და უკანა მხრიდან გამოდის, როგორც ეს პრიზმის შემთხვევაში ხდება. თუ დახრილობა 90 გრადუსია, მაშინ ცეცხლოვანი ცისარტყელების ფერები მკვეთრია, თითქოს ღრუბლები ააფეთქა ფერადმა ალმა. ბუნების ეს სანახაობრივი მოვლენა ძალიან ცოტა ხანს გრძელდება და იშვიათად ხდება, ვინაიდან ყველა აუცილებელი ფაქტორი, წინაპირობა ერთდროულად მხოლოდ ზოგჯერ თუ ემთხვევა.