მექსიკაში ყოველი წლის ოქტომბერში ხდება უნიკალური მოვლენა, რაც გვარწმუნებს, რომ ბუნება სასწაულთმოქმედია. საოცარ ქცევას ახორციელებენ მონარქის სახეობის პეპლები, მწერები, რომლებიც ცოცხლობენ 3-დან 4 თაობამდე, რათა ერთი ქვეყნიდან მეორემდე მიაღწიონ.

პეპელა მონარქი, თავისი სილამაზისა და სუსტი აღნაგობის მიუხედავად, ხასიათდება გამძლეობითა და ამტანობით. პეპლების ზოგიერთი სხვა სახეობის სიცოცხლის ციკლი მოიცავს მხოლოდ 24 დღეს, ხოლო "მონარქი" 9 თვემდე ცოცხლობს.

ყოველი წლის ოქტომბრის ბოლოს მილიონობით პეპელა მონარქი მიფრინავს მიჩიოკანას ტყესა და მექსიკის ქალაქ მეხიკოში, ისინი დაახლოებით 4000 კმ.-ს ფარავენ ფრენით აშშ-ის ჩრდილოეთ ნაწილიდან და კანადიდან.

რეგიონის მკვიდრნი და ტურისტები დიდი ოდენობის პეპელა-მონარქების ულამაზესი ჯარების სანახავად მიდიან ტყეში, ნაკრძალების სახელით ცნობილ ადგილებში.

პეპელა მონარქების მიგრაციის სანახავად მოგზაურობა ძალიან დამღლელია, თუმცა როდესაც აღწევთ მწვერვალამდე და ხედავთ მილიონობით ულამაზეს პეპელას, რომლებიც თქვენს ირგვლივ წრეს კრავენ, საოცარი შეგრძნებაა.

ბავშვები ბოლომდე აღტაცებული არიან სანახაობით, ხოლო ზრდასრულ ადამიანებს უბრუნდებათ გაოცების, სასიამოვნოდ გაკვირვების უნარი: ბუნება ბრძენია და არავითარი ეჭვი ამის შესახებ.

მონარქი პეპლების მიგრაცია მექსიკაში ძველი დროიდანვე ხდებოდა. მექსიკის არქეოლოგიურ მასალებში ნაპოვნია პეპელა მონარქის ქანდაკებები და ნახატები. სამწუხაროდ, ტყეების გაჩეხვა და ამინდის მკვეთრი გაუარესება პეპელა მონარქის არსებობისათვის მეტად საზიანოა, მის რიცხვს ამცირებს. თვეში მონარქი პეპლების 30 %-იც კი შეიძლება, დაიღუპოს რომელიმე ნაკრძალში სიცივისაგან.

მონარქი პეპლების მიგრაცია მექსიკაში დღემდე გრძელდება. ქვეყანაში ერთ-ერთი ყველაზე ცნობილი დღესასწაულია "გარდაცვლილების დღე". მექსიკელები ამ დღეს პატივს მიაგებენ თავიანთ ახლობლებს, რომლებმაც დატოვეს სააქაო. ადგილობრივი კულტურის, მაზაჰუას ხალხის რწმენის თანახმად, ყოველი წლის ოქტომბერში პეპელა მონარქის უთვალავი ჯარის გამოჩენა სიმბოლურად განასახიერებს მათ გარდაცვლილ ახლობელთა სულებს. ადგილობრივებს სჯერათ, რომ მონარქი პეპლების დახმარებით გარდაცვლილთა სულები ღმერთებსა და დედამიწას შორის გზავნიან შეტყობინებას.