საზოგადოებრივი "დღეს დიდი დღეა მეცნიერებისა და კაცობრიობისათვის"-მნიშვნელოვანი წარმატება განხორციელდა ვაქცინის საბოლოოდ დამზადებაზე 2020, 9 ნოემბერი, 18:50  მაინცში დაფუძნებული ბიოინჟინრული კომპანია BioNTech– მა და აშშ – ს ფარმაცევტულმა გიგანტმა Pfizer– მა გამოაცხადეს COVID ვაქცინის III ფაზის წარმატებული კლინიკური გამოკვლევის შესახებ, რომლის რეგისტრაციაც ნოემბერში უნდა მოხდეს, ნათქვამია კომპანიის განცხადებაში. გამოცემის თანახმად, BNT162b2 ვაქცინის კლინიკური კვლევების მესამე ფაზამ აჩვენა სუბიექტებს შორის 90% -იანი ეფექტურობა. გავრცელებული ინფორმაციით, ამ დასკვნას საფუძვლად უდევს მონაცემების მონიტორინგის დამოუკიდებელი კომიტეტის მიერ 8 ნოემბერს შესრულებული პირველი შუალედური ანალიზი. კომპანიების ალიანსი გეგმავს უკვე შემდეგ კვირას შეიტანოს განაცხადი აშშ-ს სურსათისა და წამლის ადმინისტრაციაში (FDA) . ”დღეს დიდი დღეა მეცნიერებისა და კაცობრიობისთვის. ჩვენი COVID-19 ვაქცინის მესამე ეტაპის საცდელი პირველი შედეგები წარმოადგენს პირველ რიგში იმას, რომ ვაქცინა იცავს კოვიდისაგან”, - ნათქვამია კომპანიის ხელმძღვანელის, ალბერტ ბურლას სიტყვებში. ვაქცინის ტესტირების მე-3 ფაზამ 27 ივლისს დაიწყო, რომელშიდაც 43 538-მა ადამიანმა მიიღო მონაწილეობა. მათ ორგანიზმში ვაქცინა და პლაცებო შეიყვანეს. კვლევებში მონაწილე ადამიანებიდან მხოლოდ 94 ინფიცირდა, თუმცა მათაც დაავადება საკმაოდ მარტივად გადაიტანეს. Pfizer და BioNTech აცხადებს, რომ 2020 წლის ბოლომდე ვაქცინის 50 მილიონი დოზის გამოშვებას შეძლებენ, ხოლო 2021 წლის ბოლომდე უკვე ვაქცინის 1 მილიარდ 300 მილიონ დოზას შექმნიან. 96 3-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
