x
მეტი
  • 28.03.2024
  • სტატია:134040
  • ვიდეო:353919
  • სურათი:508247
მსოფლიოს 10 დაუჯერებელი და გამაოგნებელი რეკორდი
გინესის რეკორდების წიგნი სავსეა გასაოცარი ამბებით; ყველა რეკორდსმენი შესაძლებლობათა მაქსიმუმს აკეთებს, რათა კონკურენტებს აჯობოს, ზოგი კი ბუნებამ განსაკუთრებული მონაცემებით დააჯილდოვა, თუმცა აქაც არის ზოგიერთი ისეთი რეკორდი, რომლის რეალურობის დაჯერება ძალიან ჭირს ან რომელიც განსაკუთრებით სახალისოა. ამ სტატიაში სწორედ ასეთ რეკორდებზე ვსაუბრობთ.

რეკორდი

1. შვეიცარიელმა ფრედი როკმა ყოველგვარი დამცავი ღვედის გარეშე 3303 მეტრის სიმაღლეზე, გაჭიმულ ბაგირზე გაიარა. ეს რეკორდი 2011 წელს დამყარდა და ის დღემდე არავის გაუუმჯობესებია.

რეკორდი


2. თურქი სულთან ქოზენი მსოფლიოში ყველაზე მაღალი ადამიანია. მისი სიმაღლე 251 სანტიმეტრს შეადგენს. აწ გარდაცვლილი ნეპალელი ჩანდრა ბაჰადურ დანგი კი ყველაზე დაბალი ადამიანი იყო მსოფლიოში 54, 6 სანტიმეტრი სიმაღლით.

რეკორდი

3. მსოფლიოში მაღალ ქუსლებზე ყველაზე სწრაფად ბერლინელი იულია პლეხერი დარბის. 100 მეტრი 14, 2 წამში - ასეთია მისი რეკორდი.

რეკორდი

4. ანიტა შვარცი ზემო ბავარიიდან არის. მან ლუდის მასიური ბოკლების ტარებაში გინესის მსოფლიო რეკორდი დაამყარა. ქალმა მაგიდასთან ლუდით სავსე 19 ბოკალი ერთდროულად მიიტანა. 2008 წელს 21 ბოკლის მიტანაც სცადა, თუმცა უშედეგოდ. მაგრამ ბოკლების მიტანაში აბსოლუტური რეკორდი ასევე გერმანელ ოლივერ შტრუმპფელს ეკუთვნის, რომელმაც 10 მეტრზე მეტი ხელებში ჩაბღუჯული 29 ბოკლით გაიარა.

რეკორდი

5. რობი ჰენდრიკსონის კატა სტივი სახლის ყველაზე გრძელი კატა იყო მსოფლიოში. მისი სიგრძე 123, 2 სანტიმეტრს შეადგენდა. ამჟამად ყველაზე გრძელი არის სავანის კატა არქტურუსი, რომელიც მეორე მსოფლიო რეკორდსმენ კატასთან, კიგნუსთან ერთად ცხოვრობს, რომელსაც მსოფლიოში ყველაზე გრძელი კუდი აქვს.

რეკორდი

6. ადამიანი-მაშხალა: ავსტრიელ ჯოე ტოედტლინგს ზუსტად 5 წუთის და 41 წამის განმავლობაში სხეულზე ცეცხლი ეკიდა, რითაც ის გინესის მსოფლიო რეკორდების წიგნში მოხვდა, როგორც ადამიანი, რომელიც ყველაზე დიდხანს იწვოდა. ის ასევე გახდა გინესის მსოფლიო რეკორდსმენი სხეულის მთლიანი დამწვრობით, რომელსაც ჟანგბადი არ დასჭირდა.

რეკორდი

7. შვიდი მოზრდილი ძროხის ხორცს 10 მზარეული არჩევდა, რათა დაემზადებინათ მსოფლიოს უდიდესი შაურმა 2, 5 მეტრი სიგრძით და 1198 კილოგრამი წონით.

რეკორდი

8. მარია ხოსე კრისტერნა მეხიკოში ცხოვრობს და 4 შვილს ზრდის. ის პირსინგის და ტატუს ოსტატია. ქალს მსოფლიოში ყველაზე მოდიფიცირებული სხეული აქვს.

რეკორდი

9. მაოფლიოში ყველაზე დიდი ბიცეპსების მქონე მუსტაფა ისმაილის მკლავის გარშემოწერილობა 78 სანტიმეტრია და მას 500 კილოგრამის ჰაერში გაჩერება შეუძლია.

რეკორდი10. ჩინელმა ლინლინ ჯინმა 350 ჰულა ჰუპით შეასრულა მოძრაობები და მსოფლიო რეკორდსმენი გახდა. ტელეგადაცემაში იგივეს გაკეთება მოსთხოვეს, როსთვისაც 250 ჰულა ჰუპი გამოიყენა.

0
513
შეფასება არ არის
ავტორი:დავითი ჩუთლაშვილი
დავითი ჩუთლაშვილი
513
  
კომენტარები არ არის, დაწერეთ პირველი კომენტარი
0 1 0