x
მეტი
  • 26.11.2020
  • სტატია:105213
  • ვიდეო:348784
  • სურათი:470599
შსს-მ "საქართველოს ბანკზე" ყაჩაღურ თავდასხმაში მონაწილე პირის ვინაობა დაადგინა 

შინაგან საქმეთა სამინისტრომ "საქართველოს ბანკზე" ყაჩაღურ თავდასხმაში მონაწილე პირის ვინაობა დაადგინა. ამის შესახებ ინფორმაცია უწყებამ სოციალურ ქსელში გაავრცელა. განცხადებაში ნათქვამია, რომ გამოძიების ინტერესებიდან გამომდინარე, დამნაშავის ვინაობის გასაჯაროება მიზანშეწონილი არ არის.

image

"გვსურს, საზოგადოებას მივაწოდოთ დამატებითი ინფორმაცია ზუგდიდში, 21 ოქტომბერს მომხდარ, "საქართველოს ბანკის" ყაჩაღობის ფაქტთან დაკავშირებით მიმდინარე გამოძიების შესახებ.

შინაგან საქმეთა სამინისტრომ, ჩატარებული კომპლექსური საგამოძიებო - ოპერატიული და სამძებრო ღონისძიებების შედეგად, ყაჩაღურ თავდასხმაში მონაწილე დამნაშავე პირის ვინაობა დაადგინა და ის იდენტიფიცირებულია.

შინაგან საქმეთა სამინისტრო მიმართავს მედიასაშუალებებსა და საზოგადოების ყველა წევრს, თუ სხვადასხვა წყაროთი მათთვის ცნობილი გახდა დანაშაულის ჩამდენი პირის ვინაობა და ფოტოსურათი, არ გაავრცელონ აღნიშნული ინფორმაცია, რადგან ეს ხელს შეუშლის მიმდინარე საგამოძიებო ღონისძიებებს.

პოლიციის მიერ იდენტიფიცირებული პირის ადგილსამყოფელის დადგენისა და მისი დაკავების მიზნით, სამართალდამცველების მიერ სპეციალური ოპერატიული, საგამოძიებო და სამძებრო მოქმედებები ამ დრომდე აქტიურად მიმდინარეობს. მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით გრძელდება. შინაგან საქმეთა სამინისტრო ფაქტთან დაკავშირებით დამატებით ინფორმაციას ეტაპობრივად გაავრცელებს", - ნათქვამია განცხადებაში.

0
142
შეფასება არ არის
ავტორი:მოზამბიკელი
მოზამბიკელი
142
  
კომენტარები არ არის, დაწერეთ პირველი კომენტარი
0 1 0