x
image
რუსუდან ნადირაშვილი
„ხალხო ტყუილად არაფერი დალიოთ!“ - თიკა ფაცაციამ კორონავირუსი დაამარცხა
image


ტელეწამყვანმა თიკა ფაცაციამ კორონავირუსი დაამარცხა. ამის შესახებ მან ინსტაგრამ გვერდზე გავრცელებულ ვიდეომიმართვაში მოჰყვა.


„გავიდა გარკვეული პერიოდი და მე ვარ მზად, ვილაპარაკო ხმამაღლა, რომ სახლში დავამარცხე კორონავირუსი, დღეს არის ბოლო დღე, როდესაც ვზივარ და გამყავს დრო. ხვალიდან შევუერთდები ჩემს ოჯახის წევრებს.

კორონავირუსით ინფიცირებულ ნოდიკო ტატიშვილს და კახა მიქიაშვილს, როდესაც ვესაუბრებოდი ვმშვიდდებოდი, ერთმანეთს ვამხნევებდით“- ჰყვება თიკა ფაცაცია, ვიდეო მიმართვაში.



როგორც ფაცაცია, ჰყვება მისი სტუმრისგან გადაედო კორონავირუსი, რომლეთანაც მჭიდრო კავშირი ჰქონდა.


„გადამედო ჩემი სტუმრისგან, რომელიც ჩემი ოჯახის წევრია. ჩემთვის მეთერთმეტე დღე არის დღეს, ოჯახის წევრებს არ აქვთ ვირუსი.


ყველას აინტერესებს რა პირობებში გადამედო. ერთად ვიყავით გარდერობში და სამოსი, რომელსაც მე ვეღარ ვიყენებ, მინდოდა მას ჰქონოდა, რადგან მე მოვსუქდი. ვიცვლიდით ამ ტანსაცმელს და როგორც ჩანს ამ დროს გადმომედო, მას მეორე დღეს დაეწყო სიმპტომები, 4-5 დღეში მეც გამომივლინდა.


თავიდან მე დამეწყო ძლიერი ტავის ტკივილით. თითქმის მთელი დღე არ გამიყუჩდა, დილით გავიღვიძე სიცხიანმა. გავიკეთე პირველი ტესტირება, არ ვენდე და მეორე ტესტმაც დადებითი პასუხი აჩვენა“- ჰყვება თიკა ფაცაცია.


თიკა ფაცაციას თქმით, მის ახლობლებს კორონავირუსი არ აქვს.

„ყველა გადარჩა ვინც ჩემთან იყო კონტაქტში. ვიდრე სიცხიანი გავიღვიძებდი, იმ ღამეს სიყვარულის შემოტევა დამემართა და ოჯახის წევრები კოცნებით გავავსე. ამდენი ჩემი შვილებისთვის და მეუღლისთვის არ მიკოცნია, რა მეტაკა არ ვიცი.


იმუნიტეტი თუ გაქვთ კარგი ნუ გეშინიათ. მე იმ მომენტში დამიქვეითდა იმუნიტეტი და მაშინ მომერია. ასევე დაიცავით უსაფრთხოების ნორმები. არ მინდოდა ამის აფიშირება, იმიტომ რომ მეც შეშინებული ვიყავი.


ძალიან მალე ვიღლები. როცა მინდა წავიმღერო სუნთქვა მივარდება. ზურგი არ მტკიოდა, ყნოსვა და გემოც დამეკარგა, ახლაც ვერ ვგრძნობ სრულყოფილად. რაც შეეხება შებრუნებას, უნდა ვიცოდეთ გამოგვიმუშავდა თუ არა ანტისხეულები. ასე თუ მოხდა, გარკვეული პერიოდი დასვენებულები ვიქნებით.


სისხლის ანალიზი გავიკეთე ვირუსის დროს, რადგან სუსტი სისხლძარღვები მაქვს, რადგან ანალიზი დადებითი იყო, არანაირი წამალი არ დამილევია. ხალხო ტყუილად არაფერი დალიოთ, იმიტომ რომ პროფილაქტიკისთვის მიღებული წამალი არ არის სასარგებლო. ძალიან ბევრს დავდიოდი.


შეგიძლიათ ტელეფონზე ისაუბროთ და თან იაროთ. ლიმნიან წყალს ვსვამ ძალიან ბევრს. თუკი ბოლო 2-3 დღის მანძილზე სიმპტომი არ გაქვთ გამოჯანმრთელებულად ითვლება ადამიანი და შეუძლია ტესტის გარეშე დატოვოს ტერიტორია.


მწეველებს რაც შეეხება, ერთი წელია არ გავკარებივარ თამბაქოს და ეს ჩემს გამარჯვებად მიმაჩნია” – განაცხადა თიკა ფაცაციამ.

* * *


თბილისში კორონავირუსზე უფასო ტესტირება მხოლოდ მიზნობრივ ჯგუფებსა და პროტოკოლით გათვალისიწინებულ (ინფიცირებულთან კონტაქტში მყოფ, სიმპტომიან) პირებს უტარდება. ფასიანი PCR კვლევის ჩატარდება კი ბევრ კლინიკაშია შესაძლებელი.

.
კვლევის პასუხისთვის საჭირო დრო და ფასი განსხვავებულია. ტესტირების ღირებულება 110 ლარიდან იწყება და 200 ლარამდე მერყეობს.


-- ტესტირების ღირებულება 110 ლარია კლინიკა „ნეოლაბში“. პასუხის გასაგებად 24 საათია საჭირო. თუ შედეგის მიღება დაჩქარებული წესით, 7 საათში, გინდათ ტესტის ღირებულება 220 ლარს შეადგენს.


კლინიკას ასევე აქვს ბინაზე გამოძახებით ტესტის გაკეთების სერვისი, რომლის ღირებულებაც 150 ლარია და პასუხის მიღებას 24 საათში შეძლებთ.


-- „ევექსის“ პოლიკლინიკების ბენეფიციარებს კორონავირუსზე PCR კვლევის ჩატარება 110 ლარად შეუძლიათ, ხოლო სხვა მსურველებისთვის ტესტირების ფასი 150 ლარია. პასუხის გაგება 24 საათის შემდეგ არის შესაძლებელი.


კლინიკაში ასევე აქვთ ანტისხეულებზე დაფუძნებული სწრაფი ტესტები, რომლებიც პასუხს დაახლოებით 20 წუთში იძლევა. სწრაფი ტესტის ფასი 50 ლარია.


-- კლინიკა „ნიუჰოსპიტალსში“ კორონავირუსზე კვლევის ჩატარებას 120 ლარად შეძლებთ. კვლევის პასუხს კი 48 საათში მიიღებთ.


-- მხოლოდ ბინაზე გამოძახების სერვისი აქვს კლინიკა „ციტოს“. მომსახურეობის ფასი 200 ლარია და პასუხის მიღება 48 საათშია შესაძლებელი.


-- სურვილის შემთხვევაში ფასიანი ტესტი შეგიძლიათ გაიკეთოთ ასევე „ინფექციური პათოლოგიებისა და შიდსის ცენტრშიც“. აქ კვლევის ღირებულება 160 ლარია და პასუხს 24 საათი სჭირდება.

0
717
შეფასება არ არის
ავტორი:რუსუდან ნადირაშვილი
რუსუდან ნადირაშვილი
717
  
კომენტარები არ არის, დაწერეთ პირველი კომენტარი
0 1 0