თუ გული გულობს, თურმე ასაკი ადამიანს ვერაფერსაც ვერ დააკლებს. ჯერ იყო და რამოდენიმე წლის საკუთარი მესამე ქორწინება იზეიმა, თავისზე წლოვანებით ბევრად უმცროს პარტნიორთან.
ახლა კი 86 წლის ასაკში, თამამად დასეირნობს პლაჟზე თავის 61 წლის მეუღლესთან ერთად. ერთერთი უძველესი გვარის ჩამომავალი, ჰერცოგინია ალბა, რომელიც თავისი წინაპარი ქალების მსგავსად სითამამით და სკანდალური ქმედებების სიყვარულით გამოირჩევა (შეგახსნებთ რომ სწორედ ერთერი მისი წინაპარი მანდილოსანი გახლდათ, ცნობილი მხატვრის ფრანსისკო გოიას საყვარელი და "შიშველი მახას" სავარაუდო პროტოტიპი). ქალბატონი ალბა, ხმაურიანი იბიცასგან ოდნავ მოშორებით ისვენებს კუნძულ ფორმენტერაზე და როგორც ფოტოებიდან ჩანს, შესანიშნავად გრძნობს თავს მიუხედავად ასეთი ხანდაზმული ასაკისა.