ყოფილი ტელეწამყანი ხატია სიჭინავა, რომელსაც კორონავირუსის არსებობის არ სჯერა და ბილ გეიტსის თაოსნობით შექმნილი ჩიპებით ადამიანების დაპროგრამების ეშინია, ფიქრობს, რომ ამირან გამყრელიძე გაგიჟდა. სიჭინავას დამოკიდებულება საქართველოს დაავადებათა კონტროლის ცენტრის ხელმძღვანელის ამირან გამყრელიძის განცხადებამ გამოიწვია.

„სულ გაგიჟდა. უკვე ხალხის სერიოზულ დასტრესვაზე მუშაობს. ნუ ზოგიერთისთვის აზრიც არა აქვს, ამ დაავადებებს შორის განსხვავების ახსნას. ბოლოს, როგორ დაამთავრებთ ბატონო ამირან, ამ ყველაფერს? გიფიქრიათ ამაზე?“, - წერს სიჭინავა.

ცნობისთვის, ამირან გამყრელიძემ განაცხადა რომ Covid-19 იმაზე მეტ ადამინს იმსხვერპლებს, ვიდრე შიდსი, ტუბერკულოზი, მალარია და ჰეპატიტი. გამყრელიძის პროგნოზით, მომავალ გაზაფხულამდე Covid -19 კიდევ მილიონ ადამიანს იმსხვერპლებს.

დღეს, 14 ოქტომბერს საქართველოში კორონავირუსის 680 ახალი შემთხვევა დადასტურდა. ამჟამად ქვეყანაში ინფიცირების შემთხვევების საერთო რაოდენობა 13 521-ია. აქედან 7159 პაციენტი განიკურნა, 109 კი გარდაიცვალა.

ცნობისთვის, საქართველოში კორონავირუსის პირველი შემთხვევა მიმდინარე წლის 26 თებერვალს დაფიქსირდა, პანდემიად კი ვირუსი 11 მარტს გამოცხადდა.

ჯანდაცვის სფეროს წარმომადგენლებისთვის კორონავირუსის კვლევისას ერთ-ერთი ყველაზე დამაბნეველი რამ დაავადების უსიმპტომოდ ან ისეთი სიმპტომებით წარმართვაა, რაც სხვა ავადმყოფობასაც შეიძლება ახასიათებდეს. ეს კი სერიოზულად აფერხებს მის იდენთიფიკაციასა და მკურნალობას. ჟურნალ PLOS Medicine-ში გამოქვეყნებული ახალი კვლევის თანახმად, 5-დან 5 ადამიანს COVID-19-ის სიმპტომები არ აქვს, მაგრამ მაინც გადამდებია.