აშშ – ს შტატ ლუიზიანაში დააკავეს მღვდელი კათოლიკური ტაძრის საკურთხეველთან ჯგუფური სექსისთვის, ამის შესახებ იუწყება New York Post

37 წლის მეუფე ტრევის კლარკი და მისი პარტნიორები ეკლესიაში შემთხვევით შესულმა მორწმუნემ ნახა . მან დაინახა, რომ ეკლესიაში შუქი ჩვეულებრივზე უფრო გვიან ენთო, ამიტომ შენობაში შესვლა გადაწყვიტა.

მოწმემ ნახა ნახევრად შიშველი მღვდელი, რომელსაც სექსი ჰქონდა ორ ქალთან, რომლებსაც კორსეტები და მაღალქუსლიანი ჩექმები ეცვათ. საკურთხეველზე დადგმული იყო სცენის განათება, იქვე იდო სექს- სათამაშოები, ხოლო შტატივზე დამაგრებული მობილური ტელეფონი, ვიდეოზე აფიქსირებდა რაც ხდებოდა.

მრევლმა ამათ გარყვნილება ვიდეოზე გადაიღო და პოლიციას გამოუძახა. ადგილზე მისულმა ოფიცრებმა დააკავეს მღვდელი ორ ქალთან - 41 წლის მინდი დიქსონთან და 23 წლის მელისა ჩენგთან ერთად.

ისინი უხამსი საქციელის ბრალდებით სასამართლოს გადასცეს.

დიქსონმა, რომელიც პორნომსახიობია, აღიარა, რომ ყველაფერი ურთიერთშეთანხმებით მოხდა. ინციდენტის წინა დღეს მან გამომწერებს განუცხადა, რომ ახალი ორლეანისკენ მიდიოდა, სადაც ღვთის სახლი უნდა შეებილწა.

ინციდენტის შემდეგ ახალი ორლეანის ეპარქიის მთავარეპისკოპოსი ეწვია ეკლესიას სპეციალური რიტუალის შესასრულებლად, რათა აღედგინა წაბილწული საკურთხევლის სიწმინდე. გარყვნილი მღვდელი ეპარქიამ ეკლესიიდან მოკვეთა.