სომხეთის ძალოსნობის ფედერაცია ღრმა მწუხარებით იუწყება, რომ მთიან ყარაბაღში ბრძოლის დროს დაიღუპა სომეხი ძალოსანი, ეროვნული ნაკრების წევრი, სომხეთის მრავალგზის ჩემპიონი, ევროპის ორგზის ჩემპიონი და მსოფლიოს ვიცე ჩემპიონი თათული არუთინიანი.სპორტსმენი სტეფანაკერტში დაიბადა, იგი 33 წლის იყო.

სახელმწიფო ძალოსნობის ფედერაციის ოფიციალურ გვერდზე გავრცელდა ინფორმაცია, რომ სპორტსმენი დაიღუპა არცახის მახლობლად გააფთრებული ბრძოლების დროს . ფედერაციამ სამძიმარი გამოუცხადა არუთიანიანის ოჯახს და მეგობრებს.

შეგახსენებთ, რომ 27 სექტემბერს დილით ადრე სომხეთ- აზერბაიჯანის საზღვარზე და მთიანი ყარაბაღში საბრძოლო მოქმედებები განახლდა. ორივე ქვეყნის მთავრობამ და არაღიარებულმა მთიანმა ყარაბაღმა საომარი მდგომარეობა გამოაცხადა, საომარი მოქმედებები უკვე 10 დღეა გრძელდება.