ედოს ეფოქაში (1603-1868) ხანძარი იაპონიაში გავრცელებული მოვლენა იყო - სახლებში ხის თხელი იატაკი ადვილად იწვოდა. მეხანძრეების მთავარი ამოცანა იყო ხანძრის სწრაფად ლოკალიზაცია და სხვა შენობებში მისი გავრცელების თავიდან აცილება. მაგრამ განსაკუთრებული ყურადღების ღირსია ფორმა, რომელშიც იაპონელი მეხანძრეები ებრძოდნენ ხანძარს - ეს ხელოვნების ნამდვილი ნამუშევრებია, საკუთარი ისტორიით!

მე-XVI-XIX საუკუნეების თითოეულ იაპონიის სახანძრო ბრიგადას ემოსა სპეციალური ფორმა, რომელსაც Hikeshi banten ეწოდებოდა. სამოსელი წარმოადგენდა ტუნიკას ბამბის რამდენიმე ფენით ან ტყავის დმატებითი ნაწილებით, რომელიც მოხატული იყო სხვადასხვა სიუჟეტებისა და ისტორიების სცენებით. ეს შეიძლება ყოფილიყო სცენები იაპონური ლეგენდებიდან და ქვეყნის ისტორიიდან.

ასეთი ტუნიკას შექმნაზე შეიძლება კვირეები დახარჯულიყო. ფენების გაერთიანებისთვის იყენებდნენ sashiko-ს მეთოდს, ხოლო შეღებვისთვის tsutsugaki-ის მეთოდს, ბრინჯის პასტის გამოყენებით. ხანძარში შესვლამდე მეხანძრეები ტუნიკებს წყალში ასველებდნენ.