x
image
არაჩანდა
Mediator image
Mediator image
Mediator image
პირველად მსოფლიოში ბრაზილიის ქალაქ მანაუსში შესაძლოა კორონავირუსის მიმართ კოლექტიური იმუნიტეტი ჩამოყალიბდა
image

კორონავირუსის შემთხვევები ბრაზილიის ქალაქ მანაუსში მცირდება: ექიმები საუბრობენ კოლექტიური იმუნიტეტის ფორმირების პირველ შემთხვევაზე.



ექსპერტები აზრით ძალიან ბევრი ადამიანი დაავადდა ამაზონის ჯუნგლების იზოლირებულ ქალაქში, რაც ართულებს ვირუსის შემდგომ გავრცელებას.


თუ ასეა, მანაუსმა მიაღწია იმას, რასაც კოლექტიურ იმუნიტეტს უწოდებენ: მდგომარეობას, როდესაც მოსახლეობის ნახევარზე მეტი მაინც ავადდება ინფექციით, გამოიუშავებს იმუნიტეტს და დავადადების ჯაჭვს წყვეტს.



შეერთებული შტატების, გაერთიანებული სამეფოს და ბრაზილიის მეცნიერთა ჯგუფმა დაასკვნა, რომ მანაუსის მაცხოვრებელთა დაახლოებით 66, 1% გარკვეულ ეტაპზე ინფიცირებული იყო COVID-19– ით, რაც შეესაბამება კოლექტიური იმუნიტეტისთვის საკმარის პროცენტული მაჩვენებლებს, რომლის შესახებაც წინასწარ იყო ნავარაუდები.


"ცოტა რთულია იმის დადგენა, ეს არის სუფთა კოლექტიური იმუნიტეტი თუ ფაქტორების ერთობლიობა. მაგრამ ეს ნამდვილად დამაინტრიგებელია ”, -


განაცხადა ექიმმა თომას რუსომ, ბუფალოს უნივერსიტეტის ინფექციურმა ექსპერტმა, რომელიც ამ ახალ კვლევაში არ იყო ჩართული.


ამაზონის ტყეში მდებარე მანაუსი კორონავირუსისგან ერთ-ერთი ყველაზე მეტად დაზარალებული ქალაქია ქვეყანაში. სწორედ აქ არის გადაღებული სავსე საავადმყოფოების, მასობრივი სამარხებისა და მორგების ფოტოები. ამ ქალაქში COVID-19-ს 2 462 ადამიანი ემსხვერპლა. მანაუსი სახელმწიფო რომ ყოფილიყო, მსოფლიოში სიკვდილიანობით მეორე ადგილზე იქნებოდა, -100 ათას მოსახლეზე 100, 7 გარდაცვლილით.

image

ბოლო დღეების განმავლობაში სიკვდილიანობის მაჩვენებელი მანაუსში დღეში საშაულოდ 3.6%-ით ეცემა, რამაც ადგილობრივ ხელისუფლებას საშუфლება მისცა საკარანტინო შეზღუდვების სწრაფი მოხსნა დაიწყოს.



"ინფექციის ბუნებრივი გავრცელების გზით კოლექტიური იმუნიტეტის მიღწევა სტრატეგია არ არის. ეს უბრალოდ იმის ნიშანია, რომ მთავრობამ ვირუსი ვერ გააკონტროლა და საფასური დაკარგული სიცოცხლეებით გადაიხადა“-განაცხადა მიკრობიოლოგიის პროფესორმა ფლორიან კრამერმა



აქვე უნდა აღინიშნოს გერმანელი მეცნიერების ახალი დასკვნა:

ზოგიერთი ადამიანის იმუნური სისტემა, რომლებსაც ახალი კორონავირუსით არ დაინფიცირდა, როგორც ჩანს, უკვე "იცნობენ" პათოგენს.


კვლევამ აჩვენა, რომ გერმანიაში 68 ჯანმრთელი მოზრდილის ნიმუშს შორის, რომლებსაც არ ექვემდებარებოდა კორონავირუსს, 35% -ს სისხლში ჰქონდა T უჯრედები, რომლებიც რეაგირებენ ვირუსზე.


T უჯრედები იმუნური სისტემის ნაწილია და იცავს სხეულს ინფექციებისგან. T უჯრედების რეაქტიულობა მიანიშნებს, რომ იმუნურ სისტემას შეიძლება ჰქონოდა მსგავსი ინფექციის გარკვეული გამოცდილება და ამ მეხსიერებას ამჟამად ახალ ინფექციასთან საბრძოლველად იყენებს. მეცნიერთა აზრით, ეს უჯრედები "ალბათ წინა ენდემური" კორონავირუსით არის მიღებული, ანუ უფრო მარტივად რომ ავხსნათ, ეს ადამიანები თავის დროზე დაინფიცირდნენ კორონავირუსის სხვა სახეობით(და არა Covid-19-ით!!!)


იმუნიტეტის ამ მახასიათებელს ჯვარედინი რეაქტიულობა ეწოდება.

0
423
7-ს მოსწონს
ავტორი:არაჩანდა
არაჩანდა
Mediator image
Mediator image
Mediator image
423
  
კომენტარები არ არის, დაწერეთ პირველი კომენტარი
0 1 0