ამ კვირის ბოლოს კორონავირუსის სკეპტიკოსების მიერ დაგეგმილი დემონსტრაციების ორგანიზატორებმა, სავარაუდოდ, 22 000-ზე მეტი ადამიანის ჩამოყვანა შეძლეს ბერლინში. დემონსტრანტების ავტობუსები ბერლინისკენ დაიძრა მთელი ქვეყნის მასშტაბით.

ოთხშაბათს, დედაქალაქის ხელისუფლებამ ყველაფრის გააუქმება სცადა.

ანდრეას გეიზელი, ბერლინის ქალაქ-სახელმწიფოს შინაგან საქმეთა მინისტრი, ამტკიცებდა, რომ სადავო გადაწყვეტილება გამოიწვია წინა საპროტესტო აქციაზე, 1 აგვისტოს პროტესტანტების ქცევამ, რომლის დროსაც დემონსტრანტებმა "შეგნებულად" დაარღვიეს ჰიგიენის ნორმები და დისტანცირების წესები. ბევრმა მონაწილემ უარი თქვა სახის ნიღბების ტარებაზე და ერთმანეთისგან სოციალური დისტანციის დაცვაზე.