თანამედროვე ტრადიციების აბსოლუტურ უმრავლესობას ფესვები შორეულ წარსულში აქვს. ამის ნათელი მაგალითია ხელის ჩამორთმევის რიტუალი. დღეს ცოტა ვინმე თუ დაფიქრებულა იმაზე, თუ საიდან მოდის ეს ჟესტი და რატომ არ არის იგი გავრცელებული ქალებს შორის.

ჩვენს დროში, ხელის ჩამორთმევა მიუთითებს ერთმანეთის მიმართ პატივისცემის გამოხატვასა და კეთილგანწყობაზე. შესაბამისად, უარის თქმა ხელის ჩამორთმევაზე–ეს ერთ-ერთი მეთოდია ადამიანის მიმართ უპატივცემულობის გამოხატვისა. დღეს დანამდვილებით არ არის ცნობილი, როდის და სად გაჩნდა ეს ჟესტი.

ხელის ჩამორთმევის წარმოშობის ყველაზე გავრცელებული ვერსიაა ის, რომ იგი შუასაუკუნეებიდან მოდის. მაშინ მასიურად ტარდებოდა რაინდული ტურნირები. ორთაბრძოლის წინ მონაწილეები ერთმანეთს ხელს უწვდიდნენ, ამით იმის დემონსტრირებას აკეთებდნენ, რომ იარაღი არ ჰქონდათ. ეს ითვლებოდა მოსალოდნელი შეჯიბრების პატიოსნების სიმბოლოდ. აქედან წამოვიდა აგრეთვე ხელის ჩამორთმევის წინ ხელთათმანის გახდაც. რაინდები აგრეთვე ჩაფხუტსაც იხდიდნენ, იშიშვლებდნენ თავს, რათა მოწინააღმდეგე დარწმუნებულიყო, რომ მის წინ სწორედ ის ადამიანი იდგა, ვისაც უნდა შებრძოლებოდა. დღეს ეს ჟესტი ნაწილობრივ შემორჩენილია, და მამაკაცები შეხვედრის დროს ხშირად ქუდს იხდიან.

უნდა აღინიშნოს რომ შუასაუკუნეების რაინდები პირველები სულაც არ იყვნენ, ვინც ხელის ჩამორთმევით ესალმებოდნენ ერთმანეთს. პირველი ხელის ჩამორთმევა, რომელიც კაცობრიობის ისტორიაში ოფიციალურადაა დაფიქსირებული, ასურეთისა და ბაბილონის მეფეებს ეკუთვნის–ქრისტეშობამდე მე-9 საუკუნეში.

არქეოლოგები ნახულობენ ძველი საბერძნეთის სახვითი ხელოვნების უამრავ ნიმუშს, რომლებიც ადასტურებს იმ ფაქტს, რომ ელინებიც ბრწყინვალედ იცნობდნენ აღნიშნულ ჟესტს და იყენებდნენ იგივე მიზნებისთვის, რა მიზნითაც ჩვენ ვიყენებთ. ამის დამადასტურებელია, პირველ საუკუნეში შექმნილი ოვიდიუსის პოემა "მეტამორფოზა", სადაც პირდაპირ არის აღწერილი ეს რიტუალი.

საინტერესოა ის ფაქტი, რომ აღნიშნულ ჟესტმა ევროპის ისტორიაში საუკუნეები გამოიარა და ჩვენამდე შინაარსის შეუცვლელად მოაღწია. აღსანიშნავია ისიც, რომ ჩვენს დროშიც კი ხელის ჩამორთმევა არ არის გავრცელებული ქალბატონებს შორის, გამოიყენება მხოლოდ საქმიან წრეებში.

ამასთან ყოველდღიურ ყოფით ცხოვრებაში მშვენიერი სქესის წარმომადგენლები ერთმანეთს ხელს არ ართმევენ, რაც შესაძლოა განპირობებულია იმით, რომ საუკუნეების მანძილზე აღნიშნული ჟესტი მამაკაცურ ჟესტად ითვლებოდა (უნდა გავითვალისწინოთ ქალის ადრინდელი სოციალური მდგომარეობა საზოგადოებაში).