"მთავარი არხის" გენერალური დირექტორი ნიკა გვარამია თერჯოლაში მამის მიერ 11 წლის მოზარდის თვითმკვლელობამდე მიყვანის ფაქტს ეხმაურება, გვარამიას თქმით, ის ბავშვის მამას სიცოცხლეს დაუფიქრებლად გამოასალმებდა და პოლიციასაც საკუთრი ნებით, სიამოვნებით ჩაბარდებოდა: "ამ მამას მოვკლავდი და სიამოვნებით ჩავჯდებოდი ციხეში. არც მეტი, არც ნაკლები. გინდა ლინჩის წესი მეძახეთ, გინდა ძალადობისკენ მომწოდებელი, გინდა რაც გინდათ ის. აი ასე, მოვკლავდი და ჩავბარდებოდი პოლიციას. თელი არსებით მძულს."- დაწერა ნიკა გვარამიამ. გავრცელებული ინფორმაციით, 23 აგვისტოს სო­ფელ ძევრში 11 წლის ბავშვი ხეზე ჩამომხრჩვალი მამამ იპოვა და სავარაუდოდ, პოლიციაც სწორედ მან გამოიძახა. მომ­ხდარ ფაქ­ტზე ჩა­ტა­რე­ბუ­ლი სა­გა­მო­ძი­ე­ბო ღო­ნის­ძი­ე­ბე­ბით გა­ირ­კვა, რომ ბრალ­დე­ბუ­ლი მის არას­რულ­წლო­ვან შვილ­ზე სის­ტე­მა­ტუ­რად ძა­ლა­დობ­და რა­მაც, არასრულ­წლო­ვა­ნის თვით­მკვლე­ლო­ბა გა­მო­იწ­ვია. შინაგან საქმეთა სამინისტრომ, არასრულწლოვნის თვითმკვლელობამდე მიყვანის ბრალდებით გარდაცვლილის მამა უკვე დააკავა. დაკავებულს ბრალის დადასტურების შემთხვევაში 2-დან 4 წლამდე პატიმრობა ემუქრება.