საზოგადოება
"რამდენი თავმოყვარე ქართველი "ვაშკაცი" ვიცი ემიგრანტ გოგოებს ცოლობას რომ პირდება და ფულებს აგზავნინებს"- მაკა რაზმაზე
2020, 18 აგვისტო, 17:22
ჟურნალისტი მაკა რაზმაძე სოციალურ ქსელში საქართველოში მცხოვრები სამი ნიგერიელის მიერ, ამერიკის მოქალაქისთვის მოტყუებით დიდი თანხის გამოძალვის ფაქტს ეხმაურება და ამასთან დაკავშირებით ქართველ გოგონებს მეტი სიფრთხილისკენ მოუწოდებს, ემიგრანტ ქალბატონებს კი, ჟურნალისტი ურჩევს თავმოყვარე ქართველ "ვაშკაცებს" ვინც მათ "ცოლობას" ჰპირდება, ემიგრაციიდან ფული არ გამოუგზვნონ, რათა ისინიც უნებურად თაღლითური სქემის მსხვერპლნი არ აღმოჩნდნენ: "ნიგერიელებმა ვიღაც ქალს ფულები აგზავნინეს ფეიკ შეყვარებულისთვისო და დაუჭერიათ თაღლითობისთვის ეს ნიგერიელები. არადა რამდენი ასეთი ვითომ თავმოყვარე ქართველი "ვაშკაცი" ვიცი ემიგრანტ გოგოებს ცოლობას რომ პირდება და " სანამ მოიყვანს" მანამდე ფულებს რომ აგზავნინებს ხან რა და ხან რა მიზეზით, ეს არაა თაღლითობა და დასჯადი ქმედება ნეტა? გოგოებო, ნუ უგზავნით ფულს ემიგრაციიდან თქვენს ვითომ შეყვარებულებს.აბა არ გამოუგზავნოთ და უცებ მიხვდებით უყვარხართ თუ არა.ისე კი მე გეტყვით სანამ გადაამოწმებთ- თქვენნაირი 9 ყავთ ეგეთებს და ისევე აბოლებენ როგორც თქვენ ბოლდებით.არ გჯერათ? დაადებინეთ თქვენი საერთო ფოტო თავის ფბ-ზე აბა?! პ.ს. ძალიან მეცოდებიან ასეთი გოგოები მაგრამ ტვინიც უნდა დააყოლო როცა უცნობს " ცოლად მიყვები"- დაწერა ჟურნალისტმა მაკა რაზმაძემ საკუთარ გვერდზე.
