ვარსკვლავების უმრავლესობას საზოგადოებისა და თაყვანისმცემლების შოკში ჩაგდება განსაკუთრებულად ხიბლავს, მაშინ როდესაც გლამურული ჟურნალების პირველ გვერდებზე მოსახვედრად, სელებრითები საქორწილო კაბებსა თუ კოსტიუმებს მხოლოდ ცნობილ დიზაინერებს ანდობენ, ცერემონიისთვის შესაფერის ადგილს საგანგებოდ თვეობით არჩევენ და საკუთარ ქორწილს მსოფლიო მასშტაბის წვეულებად აქცევენ, ზოგიერთ ვარსკვლავს, ამ მნიშვნელოვანი დღის აღნიშვნა უცხო თვალისგან შორს, მოკრძალებულად, მშვიდ ვითარებაში ურჩევნია. დღეს გადავწყვიტე სწორედ იმ ცნობილ სელებრითებზე მოგიყვეთ, რომლებიც უკვე დიდი ხანია რაც საკუთარ მეორე ნახევრებთან ერთად ბედნიერი ოჯახური ცხოვრებით ცხოვრობენ, თქვენ კი ამის შესახებ აქამდე არაფერი იცოდით. მაშ ასე, გაინტერესებთ ვინ არიან, ეს ვარსკვლავი - კონსპირატორები?

ჯუდ ლოუ

"HBO"-ს გახმაურებული სერიალის "ახალგაზრდა პაპის" კაშკაშა ვარსკვლავი და მშვენიერი სქესის წარმომადგენელთა გულთამპყრობელი ჯუდ ლოუ საყვარელ ქალთან, ფილიპ კოენთან კანონიერ ქორწინებაში უკვე რამდენიმე წელია იმყოფება.

ფსიქოლოგიის მეცნიერებათა დოქტორთან, მსახიობის რომანი საზოგადოებისთვის ცნობილი პირველად 2015 წელს გახდა, როდესაც ისინი აბეზარი პაპარაცების ფოტოობიექტივში მოექცნენ. წყვილმა მოკრძალებული ქორწილი გადაიხადა, რომელსაც მხოლოდ შეყვარებულების უახლოესი ადამიანები ესწრებოდნენ.

გაი პირსი

პოპულარულმა ბრიტანელმა მსახიობმა გაი პირსიმ 2015 წელს ცნობილ ჰოლანდიელ მსახიობსა და მომღერალზე, კარის ვან ჰაუტენზე იქორწინა, რომელიც მაყურებლისთვის ცნობილი სერიალ "სამეფო კარის თამაშებში" შესრულებული მელისანდრას როლით გახდა.

წყვილი საზოგადოების თავშეყრის ადგილებში იშვიათად ჩნდება, სწორედ ამიტომ იქცა მსახიობების შეუღლების ამბავი მათი მილიონობით ერთგული თაყვანისმცემლისთვის დიდ მოულოდნელობად.

2016 წლის აგვისტოს ბოლოს, წყვილს ვაჟი შეეძინა, რომელსაც მონტე პირსი დაარქვეს, იმავე წელს მსახიობებმა მონაწილეობა მიიღეს მარტინ კულჰოვენის გახმაურებულ დეტექტიურ თრილერში - "ბრიმსტოუნი".

აღსანიშნავია, რომ ამ მძიმე, ემოციურად დატვირთული სიუჟეტური ხაზის მქონე ვესტერნში ახალდაქორწინებულებმა ასევე ცოლ - ქმრის როლი განასახიერეს. იმედი ვიქონიოთ, რომ ჰუტენ - პირსის ვარსკვლავური წყვილის რეალური ცხოვრება ეკრანულისგან რადიკალურად განსხვავდება.

ივან დორნი

უკრაინული ჯგუფი "Пара нормальных" -ის ყოფილი სოლისტი ივან დორნი, საკუთარ პირად ცხოვრებაზე საჯაროდ არასდროს საუბრობს და ყველანაიარად ცდილობს სხვადასხვა სახის თოქ - შოუებსა თუ ინტერვიუებში აღნიშნულ თემას თავი მაქსიმალურად აარიდოს.

მუსიკოსი დიდად არც სოციალურ ქსელებს სწყალობს და მრავალრიცხოვან თაყვანისმცემლებს არც საკუთარი ოჯახური ფოტოებითა თუ ვიდეოებით ანებივრებს, ამიტომ ძალიან ცოტამ თუ იცის, რომ უკრაინელი ვარსკვლავი ოფიციალურ ქორწინებაში 2013 წლიდან იმყოფება.

31 წლის ნიჭიერი მომღერალი და პროდიუსერი, რომლის მუსიკას დასავლეთშიც აფასებენ საკუთარ თანაკლასელზე, ანასტასია ნოვიკოვაზეა დაქორწინებული, რომელთან ერთადაც ორ შვილს - ვასილისას და ივანეს ზრდის.