რუსეთის ქალაქ ჩიტაში ახალგაზრდა ბიჭმა სიგარეტს ეკლესიაში დანთებული სანთლიდან მოუკიდა და ამის ამსახველი ვიდეო "TikTok" - ზე გამოაქვეყნა. პოპულარობისთვის გადაღებულმა ვიდეომ საზოგადოება აღაშფოთა და ადგილობრივი პოლიციის დაინტერესება გამოიწვია.

ორმა მოზარდმა ვიდეოს გადასაღებად ქალაქში არსებულ ყაზანის ღვთისმშობლის სახელობის ტაძარს მიაშურა. ტაძრიდან მრევლის წასვლას დაელოდა და ამის შემდეგ ერთ-ერთმა სიგარეტს ანთებული სანთლიდან მოუკიდა. მეორე ახალგაზრდამ კი ეს ყველაფერი ტელეფონით გადაიღო. ახალგაზრებმა ვიდეოს "წლის დანაშაული" დაარქვეს და ინსტაგრამზე და "TikTok" - ზე გამოაქვეყნეს.

პოლიციამ ფაქტზე გამოძიება რუსეთის ფედერაციის სისხლის სამართლის კოდექსის 148 -ე მუხლით დაიწყო, რაც გულისხმობს ქმედებას, რომელიც გამოხატავს საზოგადოების აშკარა უპატივცემულობას და მორწმუნეთა რელიგიური გრძნობების შეურაცხყოფას.