აქ წყალის მარაგი დიდია, გროვდება ორ სათავეში და ჩადის წყალსაქაჩთან, ორასტონიანი აუზი 7 საათში ივსება და მერე იტუმბება ზემო მაჩხაანში. დაპირება დღემდე დაპირებად დარჩა და ბნელაუბანი ისევე წყალის გარეშეა დარჩენილი.თუ არ მოგვეხმარებიან, ცენტრალურ რეზერვუარს სულ გადავკეტავთ და მოვაწყობთ საპროტესტო აქციას" - ამბობს ბნელაუბანის მაცხოვრებელი, ირაკლი ცაკაშვილი.

მუნიციპალიტეტის მერის მოადგილე, დავით ფხოველიშვილი ამბობს:

"ჩვენ არავინ მოგვიტყუებია, ნამდვილად არბოშიკში გამოთავისუფლდა 50 ტონიანი ავზი, კოვიდ -19-ის და თანხების არარსებობის გამო დღემდე ეს ვერ შევძელით, ახლო მომავალში ვაპირებთ ამ 50 ტონიანი ცისტერნის ბნელაუბანში დადგმას.

ზოგადად ზემო მაჩხაანის წყალმომარაგების გაუმჯობესების მიზნით, სოფლის შესასვლელში წელს გავხსენით და წყალკანალს გადავეცით ახალი რეზერვუარი, სადაც მოხდება სამი ძველი, ერთი 120 ტონიანი და ორი 240 ტონიანი რეზერვუარის შეკრება და შემდეგ ცენტრალურიდან სოფელზე გადანაწილდება. "