„კიდე არ მოგწონთ მიშა და ვანო? მაგრა მკიდია ვინ როგორ გამლანძღავს. ხალხო გაიღვიძეთ! ხვალ შეიძლება ჩვენი შვილები მოკლან!“- წერს მომღერალი.
მის ამ პოსტს სოციალურ ქსელში დიდი გამოხმაურება მოჰყვა. მომღერალს ხალხის უმეტესობა ეთანხმებოდა, რომ კრიმინალის დონემ ქვეყანაში იმატა და ასევე არსებობს ბურუსით მოცული საქმეები, რომლებიც შესაბამისმა უწყებამ უნდა გამოიძიოს. ასევე პოსტის კომენტარებში ვკითხულობთ განსხვავებული აზრის მქონე ადამიანების მოსაზრებებს, რომლებიც „ერთიანი ნაციონალური მოძრაობის“ დროს ჩადენილ დანაშაულს ახსენებენ.
ზოგადად, ნინა წკრიალაშვილი მრავალი წელია მიშა სააკაშვილის აქტიურ მხარდამჭერად მოიაზრება. მანამდეც, ვიდრე ნაცმოძრაობის მმართველობის პერიოდში ის კულტურის სამინისტროში დასაქმდებოდა და მას შემდეგაც. ყველა ეტაპზე ის სააკაშვილის მიმართ სიმპათიებს ყოველთვის ღიად გამოხატავდა და არც მათ მხარდამჭერ შეხვედრებზე გამოჩენას ერიდებოდა.