როგორც ამერიკის სახელმწიფო დეპარტამენტის მაღალჩინოსანი განმარტავს, სანქციების მიზანია, გააცნობიეროს კადიროვმა, რომ საკუთარ ქმედებათა გამო აუცილებლად მოუწევს საფასურის გადახდა.

გადაწყვეტილებას სანქციების დაწესების შესახებ კადიროვი ტელეგრამის საკუთარ არხზე გამოეხმაურა.

„პომპეო, ჩვენ ვიღებთ გამოწვევას! შემდგომში უფრო საინტერესო იქნება!” - წერს ჩეჩენი ტირანი და საბრძოლო იარაღით სავსე ოთახის ფონზე პოზირებს.

კადიროვმა სანქციების თემას მომდევნო პოსტიც მიუძღვნა, სადაც მაიკ პომპეოს ჩეჩენი სერიული მკვლელი “პროვოკატორად” მოიხსენიებს და ურჩევს, მის რეგიონს ესტუმროს, რათა დარწმუნდეს, თუ როგორი პოპულარულია მოსახლეობაში რუსეთის ფედერაციის სუბიექტის ლიდერი.

აღსანიშნავია, რომ სანქციები რამზან კადიროვს “მაგნიტსკის აქტის” ფარგლებში 2017 წლიდან აქვს დაწესებული. უახლესი სანქციები კი ძველი სასჯელის გაგრძელებაა. კადიროვი და მისი ოჯახის წევრები ვერ მიიღებენ აშშ-ს ვიზას და ვერ შეინახავენ თანხას ამერიკულ ბანკებში. მათ ასევე აკრძალული აქვთ ყოველგვარი სასწავლო, სამეცნიერო თუ სხვა რაიმე სახის საქმიანობა შეერთებული შტატების ტერიტორიაზე.