საუდის არაბეთმა ახლახანს მნიშვნელოვანი ნაბიჯი გადადგა ქალების დამოუკიდებლობის სასარგებლოდ. რამდენიმე დღის წინ ადგილობრივმა სასამართლომ აღიარა ქალის, მერიამ-ელ ეტიბის უფლება რომ იცხოვროს დამოუკიდებლად და იმოგზაუროს ქვეყანაში მამაკაცი-მეურვის გარეშე.

ჯერ კიდევ 3 წლის წინ, ქალაქის პროკურატურამ მერიამს ბრალი დასდო იმაში, რომ ერ-რიადში გაემგზავრა მარტო, ოჯახის და ნათესავების დაუკითხავად. რამდენიმე დღის წინ კი ამ საკითხს წერტილი დაესვა. სასამართლომ ქალი დამნაშავედ არ სცნო და მერიამი აღიარა სრულუფლებიან, ჯანსაღად მოაზროვნე ზრდასრულ ადამიანად, რომელსაც აქვს უფლება იცხოვროს იქ, სადაც სურს.

მერიამის ადვოკატმა განაცხადა, რომ სასამართლოს ეს გადაწყვეტილება ძალიან დიდი ნაბიჯია საუდის არაბეთის მომავლისთვის და ის ისტორიული გახდება.