"როკ ენ როლის მეფის" ელვის პრესლის შვილიშვილი, მუსიკოსი ბენჯამინ კეჰო მკვდარი იპოვნეს საკუთარ ბინაში, ქალაქ კალაბასაში(კალიფორნიის შტატი). ამის შესახებ იტყობინებ მუსიკოსის დედის, ლიზა მარი პრესლის მენეჯერი როჯერ ვიდინოვსკი.

მენეჯერმა აღნიშნა, რომ 52 წლის ლიზა მარია პრესლი " უნუგეშოა და მწუხარებისგან განადგურებული".

თავის მხრივ, სამართალდამცავები ადასტურებენ, რომ 27 წლის მუსიკოსის გარდაცვალების მიზეზი თვითმკვლელობა იყო. აღსანიშნავია, რომ მუსიკოსი მთელი ცხოვრების განმავლობაში თავი არიდებდა პრესას და პირადი ცხოვრების დამალვას ცდილობდა.

ბენჯამინი იყო ორი შვილიდან უმცროსი, რომელიც ლიზა მარი პრესლის თავის პირველ მეუღლესთან, მუსიკოსთან დენი კაოფასგან შეეძინა.

ლიზა მარის ასევე ჰყავს ტყუპები 11 წლის გოგონები მეოთხე ქმრისგან, მუსიკოს და პროდიუსერ მაიკლ ლოკვუდისგან, რომელთანაც 2006 წელს იქორწინა, ლიზა მარია პრესლის აგრეთვე ხანმოკლე ქორწინება ჰქონდა პოპ ვარსკვლავ მაიკლ ჯექსონთან და მსახიობ ნიკოლას კეიჯთან.

ყველა ერთხმად აღნიშნავდა, რომ ბენჯამენი ყველაზე ძალიან წააგავდა, თავის სახელოვან პაპას.