x
image
ილია მარტყოფლიშვილი
Mediator image
„..დავარტყი მეც ფეხი, კონკრეტულად არ მახსოვს ვის, ჩვენ ვურტყამდით და ვცემდით ყველანი“
image


გიორგი შაქარაშვილის საქმეზე "რუსთავი 2-მა" მოიპოვა კადრები, რომელზეც 19 წლის ფეხბურთელის სიცოცხლის ბოლო საათებია აღბეჭდილი, როგორც მცხეთაში აგარაკზე, ასევე მიმდებარე ტერიტორიაზე. კადრებში ჩანან საქმის ფიგურანტი პირები. იმ მასალაში, რომელიც "კურიერმა" მოიპოვა, დაახლოებით 6 ფაილია იაკობ ბრეგვაძის ფოტოაპარატიდან ამოღებული. მათ შორის, როგორც წვეულების დროს გადაღებული ფოტომასალა, ასევე გიორგი შაქარაშვილის უკანასკნელი გზა.


ვიდეომასალაში არის ის ვიდეოკადრები, რომელიც გუშინ მედიამ გაავრცელა, სადაც ახალგაზრდები გეგმავენ, თუ როგორ მოხვდნენ ლისზე, მეგობრებთან იმისთვის, რომ დაბადების დღის წვეულება გააგრძელონ. იაკობ ბრეგვაძის მიერ გადაღებულ კარგად ჩანს, თუ როგორ გადაადგილდებიან გიორგი შაქარაშვილი და მასთან ერთად მყოფი პირები.


"კურიერი" გთავაზობთ თენგო ბარბაქაძისა და არასრულწლოვნის ჩვენებებს, რომელიც გიორგი შაქარაშვილის გარდაცვალების ღამით მომხდარ კონფლიქტს ასახავს.



თენგო ბარბაქაძის ჩვენება:

"23:30 საათი მე ვიყავი გასული უკანა მხარეს აივანზე სადაც ვეწეოდი სიგარეტს, რა დროსაც ეზოს წინა მხრიდან შემომესმა ანას ყვირილის ხმა, რაზედაც მე გამოვედი ეზოში. სანამ ეზოში გამოვიდოდი მე გამოვიარე ის ოთახი, სადაც ჩვენ ვქეიფობდით და დავინახე, რომ იქ ისხდნენ გიორგი შაქარაშვილი და კიდევ რომელიღაცა მისი მეგობარი, რომელიც ზუსტად არ მახსოვს ვინ იყო და, ასევე, იყვნენ ანას მეგობარი გოგონები. მე რომ გამოვედი გარეთ, ეზოში დავინახე, რომ ჩემი მეგობრები ნიკა ხეჩოშვილი და ვახო ჩიქოვანი შუაში ყავდათ მომწყვდეული საბა ჩხარტიშვილს, გიორგი ქათამაძეს, ვახტანგ ახვლედიანს, ირაკლი წაქაძეს და ზურაბ გოგინაშვილს, რომლებიც ფიზიკურ შეურაცხყოფას აყენებდნენ ნიკა ხეჩოშვილს და ვახო ჩიქოვანს და ურტყამდნენ კრამიტებს, "-ნათქვამია ჩვენებაში.

არასრულწლოვანის ჩვენება:

"მე და ლაშა შერმადინმა კონსტანტინე ღიბრაძეს გავუცვალეთ მობილური ტელეფონის ნომრები, ვინაიდან შევხვედროდით შემდგომ დღეებში ერთმანეთს და გაგვერკვია მანამდე მომხდარი შეხლა-შემოხლის ამბავი. ამავდროულად, ქათამაძე ცდილობდა ჩემთან და ლაშა შერმადინთან სიტუაციის დაძაბვას, ვინაიდან, ჩემი აზრით, იყვნენ რიცხობრივად მეტნი და უნდოდათ მე და ლაშას ფიზიკურად გაგვსწორებოდნენ. ამ დროს დარეკა ლაშამ, კონკრეტულად თუ ვისთან, არ მახსოვს და უთხრა, რომ მოსულიყვნენ ქალაქ თბილისის მიმართულებით მდინარე არაგვის ხიდთან, რის შემდეგაც მალევე გაჩერდა ჩემი მეგობრის გიგა ტატიაშვილის მოვერცხლისფრო ფერის მერსედესის მარკის ავტომანქანა მათ წინ.

... დავარტყი ერთხელ მეც რომელიღაცას ფეხი, კონკრეტულად არ მახსოვს თუ ვის, ჩვენ მათ ვურტყამდით და ვცემდით ყველანი, გარდა გიგა ტატიაშვილისა, "- ნათქვამია ჩვენებაში.

0
525
შეფასება არ არის
ავტორი:ილია მარტყოფლიშვილი
ილია მარტყოფლიშვილი
Mediator image
525
  
კომენტარები არ არის, დაწერეთ პირველი კომენტარი
0 1 0