ფაიფური

საბჭოთა კავშირის ბევრ ოჯახში ნახავდით ფაიფურის სერვიზს, რომელიც სერვანტში იწონებდა თავს და სახლის მოსართავის ფუნქცია უფრო ჰქონდა, ვიდრე ჩაის ჭურჭლის.

თუ ასეთი სერვიზი კიდევ გაქვთ შემორჩენილი, რიგიან ფასად შეგიძლიათ გაყიდოთ. ყველაზე პოპულარულია “მადონას" სერვიზი : სრული ნაკრები (48 ცალი) 450 ევროდ ფასობს.

ჩაის სერვიზი “ოლიმპიადა 80" კი დაახლოებით 135 ევროდ შეგიძლიათ გაყიდოთ.

ბროლი

საბჭოთა კავშირში ასევე ძალიან პოპულარული იყო ბროლის ჭურჭელი. დღეს კი მათი თვალსაჩინოდ გამოფენა ცუდ ტონად ითვლება. მათ დიდ ნაწილს დღეს არავითარი ღირებულება არ გააჩნია, თუმცა, არის გამონაკლისები, მაგალითად: რევოლუციამდელი ეპოქის ბროლის ნაწარმის ფასი 400 ევრომდე მერყეობს.

ჭიქის სადგამი

ეს სადგამები საბჭოთა მატარებლებთან ასოცირდება: ბორბლების რიტმული ხმა და დამტარებელი, რომელსაც ჩაი დააქვს ვაგონებში. ძველი სადგამები ნამდვილი განძი შეიძლება აღმოჩნდეს: ვერცხლის სადგამი “გედები: დაახლოებით 200 ევროდ ფასდება, მელქიორის სადგამი “სპარტაკიადა 1959" კი 20 ევროდ ფასობს.

სამოვარი

სამოვარი უკვე წარსულს ჩაბარდა, მაგრამ თუ მაინც მოგეპოვებათ სახლში ეს ძველებური ნივთი, 7 ლიტრიანი მოცულობით, სიძველის მოყვარულები მზად არიან მასში 150 ევრო გადაიხადონ.

თუჯის ჭურჭელი

ნამდვილი საბჭოთა თუჯის ჭურჭელი დღეს დიდად ფასობს. თუჯის 12 ლიტრიანი ქვაბი 60 ევრო ღირს, თუჯის დიდი ტაფა კი-90 ევრო.

საცხობი ფორმები

გახსოვთ ნამცხვარი “კაკალი"? მის გამოსაცხობად სპეციალურ ფორმას იყენებდნენ. ასეთი ახალი ფორმა დღეს დაახლოებით 90 ევრო ღირს, შედარებით დაზიანებული კი-20 ევრო

Pyrex-ის ძველი ჭურჭელი

ამ ფრანგული მარკის ცეცხლგამძლე ჭურჭელი ახლაც პოპულარულია დიასახლისებში. თუმცა, განსაკუთრებით ფასეულია 20 წელზე დიდი ხნის ჭურჭელი, რომელის ფასიც 10-დან 150 ევრომდე მერყეობს.

ნაძვის ხის სათამაშოები

კოლექციონერებში იზრდება მოთხოვნა ნაძვის ხის საბჭოურ მოსართავებზე. ყველაზე მეტად კი ბამბისგან დამზადებული სათამაშოები ფასობს, რომელიც მე-20 საუკუნის პირველ ნახევარში იწარმოებოდა და ბურთები აგიტაციური ნახატებით თუ წარწერებით. მათი ფასი 185 ევრომდე მერყეობს.