- ჩვენი ქმედებები: როგორც კი შევამჩნევთ, რომ ყელში გვაქვს უსიამოვნო შეგრძნება ან ტკივილი ან შესაძლოა იყოს თავის ტკივილი, უხასიათობა - ეს უკვე მოქმედების ნიშანია, აქ სჯობს ზედმეტად იაქტიუროთ, ვიდრე საერთოდ არ იაქტიუროთ!

- პირველი ნაბიჯი - ეს არის არარაფინირებული ზეთის გამოყენება - შესაძლებელია ნებისმიერი (სიმინდის, მზესუმზირის, ზეითუნის) ჭამიდან უნდა იყოს გასული 2 საათი ან უზმოზე ჩავწუწნოთ 20 წუთის განმავლობაში, როგორც კანფეტი, არავითარ შემთხვევაში არ გადავყლაპოთ, ზეთი შეიცვლის ფერს და ამის შემდეგ მას გადმოვაფურთხებთ და გამოვივლებთ ანადუღარ თბილ წყალს, შესაძლებელია მარილიანი წყლის გამოვლება (თბილი, ზღვის მარილით). ეს პროცედურა კარგია, თუკი ჩატარდება დღეში 2-3 ჯერ, 3-4 დღე, შემდეგ დღეში ერთხელ - ასე 2 კვირა.

- ამის შემდეგ ავიღოთ დინდგელის ხსნარი - 30 წვეთი გავხსნათ წყალში ან თავად დინდგელი - ვწუწნოთ ან დავღეჭოთ აქტიურად. დინდგელის გამოყენება საჭიროა საკმაოდ ხშირად - სულ ცოტა დღეში 4-ჯერ მაინც. კარგი იქნება, თუკი დინდგელის ბურთულას მივიწებებთ კბილებზე და ასე დავიძინებთ, რომ დინდგელის მოქმედება არ შეწყდეს არც ღამით.

- დამატებით ვღებულობთ ლიმონს - ერთ ლიმონს დავჭრით 3-ად და დავასხამთ ცხელ წყალს - ეს შეგიძლიათ დალიოთ დღეში რამდენჯერმე.

- კარგია ძირტკბილას ნაყენი (გამოივლეთ, შეგიძლიათ დალიოთ, განსაკუთრებით კარგია მშრალი ხველისას, მაგრამ არაუმეტეს 2 კვირისა)

- კარგია ასკილის გამოყენება, ერიდეთ შაქრიან სიროპებს.

- პერიოდულად პირში და ყელში ვივლებთ ძმრიან წყალს

- ასევე ძლიერი ვირუსის საწინააღმდეგო მოქმედება გააჩნია ჩაის ხის ეთერზეთს, პიხტის ეთერზეთს, ევლკალიპტს - ამ ეთერზეთებს შევურევთ ცოტაოდენ ზეთს და შევიზელთ ცხვირის, ყელის, ნუშურების მიდამოში, განსაკუთრებით ლიმფური კვანძების ადგილებში.

- სახლში აუცილებელია ჩაის ხის ეთერზეთის კმევა ირგვლივ მყოფ ნივთებზე, ინგალაციები მისი გამოყენებით.

- აუცილებელია დიდი რაოდენობით სითხის მიღება - სასურველია ანადუღარი წყალი ლიმონით, ოთახის ტემპერატურის წყალი.

- აუცილებელია კვების რაციონის შეცვლა - აიკრძალეთ ტკბილი, შაქარი, მურაბები, ნამცხვრები, ფუნთუშები, პურიც, მაკარონი, ბრინჯი. იკვებეთ ბოსტნეულით და ყურადღება მიაქციეთ ცილას - ცილა უნდა იყოს საკმარისი თქვენს რაციონში, სხვა შემთხვევაში თქვენი ორგანიზმი ვერ შეებრძოლება ინფექციას. ამიტომ მიირთვით ხაჭო, ყველი, მაწონი კარგია, მაგრამ მისი ცივად მიღება დაგასუსტებთ, ამიტომ შემთბარი მიიღეთ

- კვერცხი. ცილების რაოდენობა: ქალისთვის 1 გრ/კგ, მამაკაცები 1, 2 გრ/კგ.

- სასარგებლო პროდუქტებია ამ დროს: შტოში, ლიმონი, თაფლი, ასკილი, ძახველი, ნიორი, ხახვი, მწვანილი.

- პარალელურად დაამატეთ იმუნიტეტის გამაძლიერებელი საშუალებები, როგორიც არის ომეგა-3, ექინაცეა, ვიტამინების და მინერალების კომპლექსი და ანტიოქსიდანტები.

- თუკი ამ პროცედურებს აქტიურად ჩაატარებთ რამდენიმე დღის განმავლობაში, თქვენ შესაძლოა თავი დააღწიოთ ვირუსს ან თუკი მაინც მოგერევათ იგი, დაავადება ძალიან იოლ ფორმებში ჩაივლის.

- დაავადებული ადამიანი აუცილებლად უნდა დაწვეს და დღის განმავლობაში უნდა იმყოფებოდეს ჰორიზონტალურ მდგომარეობაში!!!