“კუს ტბის და ლისის ტბის კლასტერი – ხომ ხართ მაგრად…
პოსტკორონულ პერიოდში ეგეთ სტატიებს და ამბებს ველოდები სარკეში და ნანულის შოუში:

-“ლისის ტბაზე დავინახე, “დოლჩე-ბაბანას” პირბადე ეკეთა და “ადიბასის” ერთჯერადი ხელთათმანი ეცვა. მე ჩემს კლასტერთან ერთად ვმოძრაობდი და “იმენნო”, აი თვალები რომ დავინახე, მეთქი რანაირი ცხვირიც არ უნდა ქონდეს. ჩემიათქო და მერე, ანტისეპტიკურ ერჯერადზე ნომერი დავუწერე და ერთი მეტრიდან ვესროლე….

დაგეწვათ ინდაურის პეროები, რომ გადაღებავთ, განა მართლა ფარშევანგისას გავს!!”-წერს ფეისბუქის საკუთარ გვერდზე თეა შაყულაშვილი.

შეგახსენებთ, ორიოდე დღის წინ სოციალურ ქსელში გავრცელდა ფოტოები, საგანგებო მდგომარების გამოცხადების შემდეგ, თბილისში მყოფმა მოქალაქეების ნაწილმა სარეკრიაციო ზონებში მოიყარა თავი.

ამ ფაქტს გამოეხმაურა დედაქალაქის მერი კახი კალაძეც, როგორც კალაძემ განაცხადა, მხოლოდ სახელმწიფო ვერაფერს იზამს და აუცილებელია, ადამიანების თვითშეგნება. მოქალაქეებმა უნდა გაითვალისწინონ რეკომენდაციები და დარჩნენ სახლში.

„გუშინ რაც ვიხილეთ იყო საგანგაშო და ძალიან ცუდი. ვგულისხმობ იმას, რაც ხდებოდა ლისის და კუს ტბების მიმდებარე ტერიტორიებზე. ეს არის ძალიან საშიში და მოვუწოდებთ მოსახლეობას, თავი შეიკავოს ხალხმრავალ ადგილებში სიარულისგან, რადგან ეს არის პირველი საფრთხე, სადაც შეიძლება ადამიანი დაინფიცირდეს“, - განაცხადა კალაძემ.