განსაკუთრებით მიხარია ის, რომ მომავალში ბევრი დაავადების განმკურნავ საშუალებებს ვხედავ. მედიცინის მიღწევები პიკს აღწევს. გამოიგონებენ სხვადასხვა წამლებს და ყველაზე საშიში დაავადებები თითქმის გაქრება დედამიწაზე. ამ პროცესებს ვერაფერი შეუშლის ხელს.

მინდა დავამშვიდო ჩემი საყვარელი ქართველები, რომ ვირუსები და ინფექციები ისე არ გავრცელდება საქართველოში...

მე ასე ვხედავ: კავკასიონი იცავს საქართველოს მომწამლავი ნივთიერებებისგან! ეს ასეა. იქნება „პატარა ვირუსები“ და მეტი არაფერი. ნუ შეშინდებით. კოსმოსი არ დაუშვებს ქართველების, ასე ვთქვათ, ამოწყვეტას. პირიქით.

1992 წელს ვიწინასწარმეტყველე, ვხედავ ბაცილას, ინფექციას, რომელიც პირდაპირ შეეხება ადამიანის შინაგან ორგანოებს, ეს ღვიძლია, თირკმელები თუ ფილტვები და ასე შემდეგ-მეთქი...

მომავალში კიდევ ჩნდება ორი ძალიან რთული დაავადება. ეს კი, როგორც ადრე აღვნიშნე, ბაქტეოროლოგიური ომია. მაგრამ ყველაზე უფრო ამ დაავადებებს თვითონ ბუნება უწყობს ხელს, ვინაიდან დედამიწაზე სერიოზული კატაკლიზმებია. ადამიანმა შექმნა მომწამლავი ქიმიური ნივთიერებები და ჰგონია, რომ იგი დაცულია საცავებში. ძალიან ცდებით! ამხედრებულ ბუნებას ვერცერთი საცავი ვერ გაუძლებს დედამიწაზე. ასე რომ, ფრთხილად, ადამიანებო!

ჟონავს, ვხედავ, ქიმიური მომწამლავი ნივთიერებები. იგი იფანტება ჰაერში, წყალში, აბინძურებს ბუნებას. ეს კი მართლა დიდი კატასტროფაა ადამიანებისთვის. არ არსებობს დაავადება, მერე მთელ მსოფლიოს რომ არ მოედოს. ამ მხრივ კაცობრიობას მომავალში დიდი სირთულეები ელის. მაგრამ ისიც მინდა აღვნიშნო, რომ სიცოცხლე მაინც იმარჯვებს და ადამიანები ცხოვრებას განაგრძობენ.

ევროპაც მოწამლულია. ეს ბაცილა — ინფექცია, ჯერ კიდევ 1992 წელს ვიწინასწარმეტყველე. ეძებენ მიზეზს, მაგრამ ვერ პოულობენ. ხან რას აბრალებენ და ხან — რას. ჩემს ხედვაში ეს ბაქტეოროლოგიურ ომს ჰგავს. თუმცა ვხედავ ვაქცინას, რომელიც კლავს ამ სასიკვდილო ბაქტერიას, რომელიც უამრავ ადამიანს შეიწირავს.

ვხედავ, ჩნდება ახალ-ახალი დაავადებები, რომლის წარმონაქმნასაც მეცნიერება, მედიცინა პასუხს ვერ სცემს. ყველაფერი კი ეს ბაქტეოროლოგიური ომია, რომელიც ბუნებამ ადამიანებს გამოუცხადა მათი დაუნდობლობის გამო ბუნების მიმართ.

და მაინც ვხედავ, დედამიწა იწმინდება და მშვიდდება. კოსმოსი მთლიანად ასუფთავებს და თითქოს ახალი სიცოცხლე იწყება. ვხედავ, დაავადებები გაქრება, ადამიანებიც დამშვიდდებიან. ამინ!

უამრავი წინასწარმეტყველება ასრულდა და კვლავაც ასრულდება. ყველა და ყველაფერი შეიცვლება მეტი სიკეთისკენ. და ეს იმ ფონზე, როცა მსოფლიოს ქვეყნები არეულები არიან, როცა ბუნება ისევ ბობოქრობს, როცა ჩნდება სასიკვდილო დაავადებები და ხალხი იხოცება, როცა მსოფლიოს მრავალ ადგილას რადიაცია ჟონავს ატომური სადგურებიდან(რასაც მალავენ, მაგრამ როდემდე?), როცა არის ასევე დიდი ეკონომიკური კრიზისი მსოფლიოში — აი ამ ფონზე

მინდა აღვნიშნო, რომ მსოფლიოში რამდენიმე სახის დაავადების გავრცელების დიდი საშიშროებაა. განსაკუთრებით ნაწლავური ინფექცია შეიწირავს ბევრ ადამიანს მომავალში... დედამიწას ძალიან გაუჭირდება, ასევე, რა თქმა უნდა, ხალხსაც, მაგრამ არის ადგილები საქართველოს მსგავსად, რომლებიც გადარჩება...