რუსეთის პრეზიდენტის პრესმდივანმა, დიმიტრი პესკოვმა კრემლში აკრედიტირებულ ჟურნალისტებს მოუწოდა, კრემლში არ მოვიდნენ, თუ თავს კარგად არ გრძნობენ, რადგან ყველა ზომებს იღებენ, იმისთვის, რომ ა რუსეთის პრეზიდენტი ვლადიმერ პუტინი სეზონური და სხვა დაავადებებისგან დაიცვან.

"თუ სურდო, ან ხველა გაქვთ, შეციებას გრძნობთ, ან თავს კარგად არ გრძნობთ, გთხოვთ, კრემლში ნუ მოხვალთ. არ მიიღოთ მონაწილეობა კრემლში, ჟურნალისტურ საქმიანობაში“, - განაცხადა დიმიტრი პესკოვმა.

ქართველი მომხმარებლები სოციალურ ქსელში პესკოვის ამ მიმართვას საკმაოდ ირონიულად შეხვდნენ და კომენტარებმაც არ დააყოვნა:

"გაყინეთ", "სპირტში შეინახეთ", "იტალიაში დაასვენეთ", "ლენინს მიუწვინეთ მავზოლეუმში იქ ყველაზე მაგრა იქნება დაცული", "არიქა ჩასვით ბამბაში", "ისე ლენინი რომ გაიტანოთ და ეგ შეიტანოთ ჯობია, განახლებაა საჭირო", "კოლბაში ჩასვით კი ჩაეტევა", "ქილაში ჩადეთ", "დახუფეთ", "პუტინი კი არა, ვირუსი დაიცავით პუტინისგან"