"ძილის მინისტრი არავინ იცის ვის სად მიუსწრებს". ზესახალისო კოლაჟი ნებისმიერ ადგილზე ჩაძინებულ პატარებზე
ყველანი ვყოფილვართ ბავშვები და ვფიქრობ ყველას გაგვივლია ის პერიოდი როცა, სადაც მოგვისწრებდა ძილი იქ ვიძინებდით და ამის გამო ან უფროსი და-ძმა ან მშობლები გვეხუმრებოდნენ "ძილისგუდები" ხართო.
ჩემი ბიჭიც ასეთი "ძილისგუდა" იყო 5 წლამდე, არ ჰქონდა მნიშვნელობა სად იყო ან რას აკეთებდა, სადაც მიუსწრებდა "ძილის მინისტრი" იქვე იძინებდა.
ხან თამაშისას, ხან ტკბილეულის ჭამისას, ხან ბებიის ან დიდედას მიერ მისთვის ზღაპრის მოყოლისას, საბავშვო უნიტაზზეც ჩასძინებია და ასეთი შემთხვევები ბევრი იყო მის ბავშვობაში.
ბაბუას ხელშიც ბევრჯერ დასძინებია, მის კისერზე მხედარივით შემომჯდარი ბევრჯერ ჩამოგვიყვანია და საწოლისაკენ წაგვიყვანია ჩაძინებული.
რაღა ბევრი გავაგრძელო, როგორც ჩემი მშობლები ამბობენ მეც ანალოგიურად "მსტუმრობდა თურმე ძილის მინისტრი" და ეტყობა ეს გენეტიკურად გადავიდა ჩემს ბიჭზეც.
ეს შესავლის სახით, ახლა კი გთავაზობთ სხვადასხვა ადგილზე ჩაძინებული პატარების ფოტოკოლაჟს, რომელთა დანახვაზე ძნელია ღიმილი შეიკავოთ.
როცა სუპერმარკეტში წაყვანილი პატარა პროდუქტის კალათაში იძინებს
როცა პატარა თამაშის დროს იძინებს და თავს ბალიშის ნაცვლად სათამაშოების თაროზე დებს
როცა საწოლამდე მისული ბავშვი ძილის "ტყვე" ხდება
ამ პატარას ისეთ პოზაში ძინავს დიდია შანსი შემდგომში იოგაში ვარჯიშით დაკავდეს
ისე ეწვია ძილი ჭამის დასრულებაც კი ვერ მოასწრო
ძალიან მოუხერხებელ მდგომარეობაშიც შესძლებია პატარას ძილი
ეჰ რა ახლოს იყო საწოლი
როგორ დაუღლია დავალების შესრულებას
რა დროს ჭამაა ძილი მოვიდა, ძილი
როცა პატარას ძილი ეწვევა ბორდიურზეც მშვენივრად იძინებს
ალბათ ტორტის ჭამა ესიზმრება
ბევრი რძე მიირთვა ალბათ და შეაწუხა
თქვენ არ იცით რა სასიამოვნოა როცა ბალიშად რეზინის ჩექმა გიდევს
1:0 კიბის სასარგებლოდ
როცა პატარა ფეხზე მდგარი იძინებს თავის საწოლში, მერე ხომ მაინც ადგომა მოუწევს და...
მეტად უცნაური პოზაა ძილისათვის, ვფიქრობ დამეთანხმებით
ეტყობა პურის ნაჭერსაც შეუძლია ბალიშის როლის მორგება
ოხერი სათამაშოები, როგორ დაღალეს პატარა
თეთრეულის კალათა საწოლს ჯობია დასაძინებლად ეტყობა
ძილი გადამდებია
ყვავილების დასასუნად მივიდა და ჩაეძინა
შეთახმება პატარასა და ძაღლს შორის, საწოვარა ძაღლს ძაღლი ბალიშად პატარას