ეგზოპლანეტა ტელესკოპ “კეპლერის” მეშვეობით იქნა აღმოჩენილი, რომელიც შორეულ კოსმოსში სიცოცხლისთვის პოტენციურად ვარგის პლანეტებს ეძებს.

აღნიშნული ეგზოპლანეტის აღმოჩენა, მიუხედავად დედამიწიდან მისი უზარმაზარი დაშორებისა, მაინც უაღრესად მნიშვნელოვანია, რადგან ამჟამად სულ მხოლოდ 16 დედამიწის მსგავსი პლანეტაა აღმოჩენილი მთელ კოსმოსში.

უკვე დადგინდა, რომ ახლად აღმოჩენილი პლანეტა საკუთარი ვარსკვლავის ირგვლივ სრულ შემობრუნებას 142, 5 დღეს ანდომებს, ხოლო დომინანტი მნათობისგან მისი დაშორება 67 მილიონ კილომეტრს შეადგენს. ეგზოპლანეტა დედამიწაზე დასხივებული მზის შუქის მესამედ სინათლეს იღებს საკუთარი ვარსკვლავისგან, რომლის გარშემოც ის ბრუნავს.

აღმოჩენა იმითაც არის მნიშვნელოვანი, რომ აქამდე მოძიებული დანარჩენი 16 ეგზოპლანეტა მხოლოდ ძალიან უხეშად ჰგავს დედამიწას. მათი უმეტესობა დედამიწას 6-ჯერ ან 8-ჯერაც კი აღემატება მასით, რაც მათზე სიცოცხლის არსებობის შესაძლებლობას ძალიან დიდი კითხვის ნიშნის ქვეშ აყენებს. ამიტომ KIC-7340288 b-ის მსგავსი ეგზოპლანეტა ძალიან დიდი იშვიათობაა.