რას არ წაიკითხავ და გაიგებ ადამიანი, რუსეთში ხანგრძლივი თვალთვალის შემდეგ დამტკიცდა, რომ ირკუტსკელი ჩინოვნიკი ქრთამს იღებდა, თან სისტემატურად და საკმაოდ დიდი ოდენობით.
მის დასაკავებლად მისულმა ძალოვნებმა კაბინეტის ჩხრეკა დაიწყეს, რა დროსაც ეჭვმიტანილმა მისი დანაშაულებრივი საქმიანობის დამამტკიცებელი საბუთების შეჭმა დააპირა, თუმცა დაღეჭილი ქაღალდის გადაყლაპვა ვერ შესძლო, რომ არა ძალოვნების დახმარება ალბათ გაიგუდებოდა.
ეჭვმიტანილს პირიდან ამოაცალეს ქაღალდი, რომელზეც გარკვეული ციფრები იყო დაწერილი.
ჩინოვნიკს ბრალდება წაუყენეს, ხელებზე ხელბორკილი დაადეს და დაკითხვის მერე დროებითი დაკავების საკანში გადაიყვანეს. ეჭვმიტანილს 6 წლამდე თავისუფლების აღკვეთა ემუქრება.