სხვა
127 კილოგრამიანი მოდელის ოჯახური იდილია: ნახეთ, როგორ გამოიყურებიან მოდელის მეუღლე და შვილები
2020, 1 მარტი, 21:59
ამერიკელი, პლუს ზომის მომხიბვლელი მოდელი ტესი ჰოლიდეი, რომლის წონაც არც მეტი, არც ნაკლები 127 კგ-ს შეადგენს, სწორედ თავისი გამორჩეული პარამეტრების წყალობით გახდა სამოდელო ბიზნესში ერთ - ერთი ყველაზე გამორჩეული და მოთხოვნადი სახე.
34 წლის ტესიმ თოჯინის მსგავსი სახის ნაკვთებით ფოტოგრაფების ყურადღება გამოჩენისთანავე მიიპყრო.
ზოგი ფიქრობდა, რომ ლამაზმანი არარეალური პერსონაჟი იყო, და გამჭრიახმა ფოტოგრაფებმა სასიამოვნო გარეგნობის გამხდარი გოგონას სახეს უბრალოდ ფოტოშოპში დიდი გაბარიტების მქონე სხეული მიაბეს.
ტესი ჰოლიდეიზე ბევრი ინფორმაცია არ მოიპოვება, მხოლოდ ის არის ცნობილი რომ გოგონა სამყაროს 1985 წლის 5 ივლისს, მიჩიგანის შტატში მოევლინა, შემდეგ კი უკეთესი ცხოვრების საძიებლად ის ლოს - ანჯელესში გადავიდა.
მალე მომხიბვლელი გარეგნობის გოგონა ფოტოგრაფებმაც შეამჩნიეს და სხვადასხვა სახის, თემატურ გადაღებებზე მისი მიწვევაც დაიწყეს.
გოგონა სამოდელო კარიერის გარდა, არანაკლებ წარმატებულია პირად ცხოვრებაშიც.
მსოფლიოში ყველაზე მძიმეწონიანი მოდელის მეორე ნახევარი ბიზნესმენი ნიკ ჰოლიდეია, რომლისთვისაც მეუღლის წონას კომპლექსი არასდროს შეუქმნია, პირიქით მისი აზრით, სწორედ ეს სამნიშნა რიცხვი ანიჭებს მის ცხოვრების თანამგზავრს განსაკუთრებულ ხიბლს.
შეგახსენებთ, რომ მოდელს პირველი ქორწინებიდან ერთი ვაჟი - რაილი ჰყავს.
ის არასდროს ახსენებს თავისი შვილის მამის სახელს და მეხსიერებიდან მის ამოშლას ყველანირად ცდილობს. 2016 წელს ამ მშვენიერ წყვილს საერთო ვაჟი შეეძინა, რომელსაც ბოუი დაარქვეს.
დღესდღეობით, ტესი ბედნიერი მეუღლე და შესანიშნავი ვაჟების დედაა: "ჩემს წონას გათხოვებში და სრულიად ჯანმრთელი ბავშვების გაჩენაში ხელი საერთოდ არ შეუშლია" - განაცხადა მოდელმა ერთ - ერთ ინტერვიუში.
