ხალხი კორონავირუსით მედიასაშუალებებმა უფრო შეაშინა -BBC-ის ანალიზი

სიახლეები

2020, 19 თებერვალი, 16:33

ერთ თვეზე მეტია, რაც მსოფლიოს წამყვანი მედიასაშუალებების ყურადღება ჩინურ კორონავირუსზეა მიმართულია. ბოლო მონაცემებით, ეპიდემიის ორ თვეში, 2 000-ზე მეტი ადამიანი შეეწირა.BBC ცდილობს გაერკვეს, რამდენად საშიშია სინამდვილეში ჩინური კორონავირუსი - და ნამდვილად ღირს თუ არა მაზე პანიკის ატეხვა.

აქედან მხოლოდ 86 დაიღუპა ხუბეის პროვინციის მიღმა, 5 ადამიანი დაიღუპა სხვა ქვეყნებში.

ამ დროს, შეერთებულ შტატებში, სეზონური გრიპის შედეგად, 10 ათასზე მეტი ადამიანი გარდაიცვალა, ზოგადად, ჯანდაცვის მსოფლიო ორგანიზაციას თანახმად, ყოველწლიურად სეზონური ეპიდემიას მთელს მსოფლიოში 290-დან 650 ათასამდე სიცოცხლე ეწირება. მარტო ინგლისში, ყოველწლიურად საშუალოდ 17, 000 პაციენტი იღუპება გრიპისგან.

როდესაც 2009 წელს სამხრეთ კალიფორნიაში ღორის გრიპის ეპიდემია დაიწყო, სულ მცირე 150 ათასი ადამიანი დაიღუპა H1N1 ვირუსით, მხოლოდ ეპიდემიის პირველ წელს, ზოგიერთი შეფასებით, 500 ათასზე მეტი ადამიანი მთელს მსოფლიოში.

რა თქმა უნდა, დაავადების საშიშროების დადგენა და დაღუპულთა რიცხვების რაოდენობის შედარება საკმაოდ უაზრობაა.

მაგრამ სხვადასხვა წყაროებზე დაყრდნობით 2009–2010 წლებში მთელი მსოფლიო მოსახლეობის 10 – დან 20% –მა იგივე ღორის გრიპი გადაიტანა და ამ ფონზე ნახევარი მილიონი დაღუპული ადამიანიც კი არ გამოიყურება კატასტოფულად.

სიკვდილიანობის დონის შედარებაც აუცილებელია - ანუ სიკვდილიანობის პროპორცია ინფიცირებულთა საერთო რაოდენობასთან .

სტატისტიკის თანახმად, ღორის გრიპის მსგავსი გლობალური ეპიდემიები საშუალოდ 25 წელიწადში ერთხელ ხდება, რა დროსაც 10-20 ადამიანი კვდება 100 ათას ინფიცირებულზე (0.01-0.02%).

დღევანდელი სურათით ჩინური კორონავირუსისგან სიკვდილიანობის მაჩვენებელი უფრო მაღალი ჩანს: ინფექციის პირველი 100 ათასი დადასტურებული შემთხვევიდან დაახლოებით 2000 ადამიანის სიკვდილი ნიშნავს დაახლოებით 2%.-ს

ზოგადად, სხვადასხვა კვლევებით Covid-19– ის სიკვდილიანობა შეფასდა 0, 5% –დან 4% –მდე.

ეს მაჩვენებლები გათანაბრებულია ჩვეულებრივი სეზონურ გრიპთან. ეპიდემიოლოგიისა და მიკრობიოლოგიის ინსტიტუტის პროფესორის, ვიქტორ ზუევის განცხადებით, "სეზონური გრიპის ინფექციით, სიკვდილიანობა იგივეა ან ოდნავ უფრო მაღალია".

ამასთანავე, კორონავირუსისგან განსხვავებით, ჩვეულებრივი გრიპს ლაბორატორიაში იშვიათად დიაგნოსტირებენ, ბევრი ისე გადაიტანს გრიპს, რომ ექიმთან არც მიდის. ხოლო ოფიციალური სტატისტიკით Covid-19 ითვალისწინებს ინფექციის მხოლოდ იმ შემთხვევებს, როდესაც პაციენტების მდგომარეობა იმდენად გაუარესდა, რომ მათ დასჭირდათ ლაბორატორიული დიაგნოზი.

ექსპერტების უმეტესობა დარწმუნებულია, რომ კორონავირუსით დაავადებულ ათასობით ადამიანს არ განუცდია მძიმე სიმპტომები და არც მიუკითხია ექიმისთვის . ზოგმა საერთოდ არ იცოდა, რომ ავად იყვნენ. (მაგალითად, როგორც ექსპერტები ამტკიცებენ, ბავშვებს ახალი კორონოვირუსი ან საერთოდ არ ხვდებათ, ან უსიმპტომოდ იტანენ)შესაბამისად ამ ფონზე "ოფიციალური" სიკვდილიანობის მაჩვენებელი შეიძლება იყოს დაავადებულთა საერთო სტატისტიკაზე უფრო მაღალი.

100

3-ს მოსწონს