x
image
კატაპულტი
მედიკოსებმა კორონავირუსის დასტაბილურების სავარაუდო თარიღი დაასახელეს
image
კორონავირუსი კვლავ აქტუალურია მსოფლიოს მასშტაბით. 17 თებერვლის მონაცემებით, დაინფიცირებულთა რიცხვი 72 500- მდე გაიზარდა, გარდაცვლილია 1900 ადამიანამდე.

ჩინეთში მოქმედმა მედიკოსთა და ექსპერტთა ჯგუფმა გაავრცელა ინფორმაცია იმის თაობაზე, თუ როდიდან შეიძლება ჩადგეს ეპიდემია კალაპოტში. მათი თქმით, ეს უნდა იყოს აპრილის ბოლოს, თუმცა გადაჭრით რაიმეს პროგნოზირება შეუძლებელია. მათი განცხადებით, ვირუსის სწრაფი გავრცელება გამოიწვია ჩინეთში არსებულმა შვებულებების სეზონის დამთავრებამ, რომელიც თავის მხრივ, გამოწვეული იყო ჩინური ახალი წლით, რომელიც წელს 25 იანვარს გახლდათ. საზეიმო დღეების დასრულებამ ათასობით ადამიანის გადაადგილება გამოიწვია, ბუნებრივია, რომ ამ დროს ეპიდემია უკონტროლო ხდება.

სხვა შემთხვევაში “შესაძლოა, არც ყოფილიყო ასეთი მატება" – განუცხადა ერთ-ერთმა მედიცინის მუშაკმა მედია საშუალებებს.

მათივე თქმით, ეპიდემიის პიკს ელოდებიან თებერვლის ბოლოს, როდესაც ვირუსის გამოვლენის 2 კვირიანი პერიოდი გავა და ამასთან შვებულებიდან დაბრუნებული ადამიანები დანიშნულების ადგილს მიაღწევს.


მოსახლეობაში დამატებითი პანიკა გამოიწვია ორშაბათს ვუხანის (ეპიდემიის ეპიცენტრი) საავადმყოფოს დირექტორის გარდაცვალებამ.როგორც მისმა კოლეგამ განაცხადა, კლინიკის ხელმძღვანელს კარგი ჯანმრთელობა ჰქონდა და არავინ მოელოდა, რომ მასაც მოერეოდა ვირუსი. აღსანიშნავია, რომ ამჟამად დაავადებულია 1700-ზე მეტი სამედიცინო პერსონალი და სანიტარი.


ასევე საინტერესოა:

1.

ახალი აპლიკაცია, რომელიც ადგენს, იყავით თუ არა კორონავირუსით დაავადებულთან კონტაქტში (წაკითხვის დრო 1წთ.)

2.

ქვეყნები ერთმანეთს კორონავირუსის გამო დაუპირისპირდნენ

3.

გიგანტურმა კალიებმა თითქმის უკვე მთელი კონტინენტი გადაჭამეს



1
423
2-ს მოსწონს
ავტორი:კატაპულტი
კატაპულტი
423
  
2020, 18 თებერვალი, 17:18
ბოდიში, სტატიაში გაპარული შეცდომისათვის! – ამჟამად დაავადებულია (და არა გარდაცვლილი) 1700–ზე მეტი სამედიცინო პერსონალი და სანიტარი.
0 1 1