ჩრდილოეთ იტალიაში არსებული ეს სახანძრო ნაწილი ინტერნეტ სივრცეში პოპულარული ახლახანს გახდა, თუმცა შენობა უკვე 9 წელია რაც არსებობს.

კლდეში ჩასმული შავი შენობა ნამდვილად საშიშად ჩანს, თუმცა მისი აშენების დროს არქიტექტორების მთავარი მიზანი მიწის ეკონომია იყო, სწორედ ამიტომაც მოათავსეს სახანძრო ნაწილი 90 მეტრიან კლდეში.

ამდაგვარი პროექტის შექმნა პატარა ქალაქის, მარგრეიდის მცხოვრებლებმა საარქიტექტორო ფირმას «Bergmeisterwolf» ს მიანდეს, რომელიც ოფისებს დღესაც აშენებს იტალიასა და ავსტრიაში.

არქიტექტორებმა ჯერ 2 გამოქვაბული ააფეთქეს და გვირაბები ერთმანეთს შეუერთეს. ორი გამოქვაბული ავტოფარეხი გახდა, მესამე კი ადმინისტრაციულ ნაწილად მოაწყვეს.

გარდა იმისა, რომ შენობის დიზაინი უბრალოდ შეუდარებლად გამოიყურება, ის ასევე ძალიან მყუდროცაა, რადგანაც კლდე ბუნებრივად იზოლირებულს ხდის მას. შიგა ტემპერატურა საშუალოდ 13 გრადუსი ცელსიუსია, მაშინ, როცა გარეთ შეიძლება - 10 გრადუსიც კი იყოს.

შენობაში ასევე ბეტონის მომრგვალებული კედელია, რომელიც სამივე გამოქვაბულს აერთიანებს და იცავს ქვებისგან.